Ova taricha

Ova taricha sunt cuppedia ex ovis Mugilium facta (praecipue speciei Mugilis cephali), sale conspersis, valde compressis et sic sub cera servatis.

Symeonis Sethi de ovis tarichis placitum: "omnino ab istis abstine" (BNF MS suppl. grec 634, f. 254v pars)

Plures species ovorum tarichorum (inter quae tunnorum, colore cinereo)

Praeparatio huius cibi in picturis parietalibus Aegyptiis antiquis depingitur; nomen autem in lingua Aegyptia incognitum est. De ovis tarichis primum legimus apud Symeonem Sethi scriptorem Byzantinum saeculi decimi, qui ὠοτάριχα (ootaricha) nociva esse et omnino fugienda asseverat. Permulti autem id praeceptum aut ignorant aut reiciunt. Inter alios Samuel Pepys anno 1661 narrat:

We stayed talking and singing and drinking of great draughts of Clarret and eating botargo and bread and butter till 12 at night, it being moonshine. And so to bed—very near fuddled.

– Samuel Pepys, Diary diei 5 Iunii 1661.

Ibi remanentes colloquimur et canimus et Burdigalense largis haustibus bibimus et ova taricha cum pane butyroque edimus usque ad mediam noctem, luna relucente; inde in cubilia imus—iam iam vinolenti.

― convertit Vicipaedia

Nostro tempore ova taricha modo Mediterraneo praecipue in Francia circum Massiliam conficiuntur (Francogallice poutargue), in Sardinia (Italiane bottarga), in Graecia circum Mesolongium (Neograece αβγοτάραχο). Modo maris Sinensis orientalis in Iaponia (Iaponice karasumi), apud Sinas (Sinice 烏魚子 wuyuzi) producuntur.

Bibliographia

Fontes antiquiores

• 1796 : Yuan Mei, Suiyuan shidan (Sean J. S. Chen, ed. et interpr., 熏魚子 = Smoked Roe)

Eruditio

• Cristina Piras, Paola Scano, Emanuela Locci, Roberta Sanna, Flaminia Cesare Marincola, "Analysing the effects of frozen storage and processing on the metabolite profile of raw mullet roes using 1 H NMR spectroscopy" in Food Chemistry vol. 159 (2014) pp. 71–79
• Paola Scano, S. Mereu, A. Rosa, "Influenza della modalità di conservazione su bottarga di muggine" in Ingredienti alimentare'' vol. 13 (Aprilis 2014)
• Paola Scano et al., "13C NMR, GC and HPLC characterization of lipid components of the salted and dried mullet (Mugil cephalus) roe "bottarga"" in Chemistry and Physics of Lipids vol. 151 (2008) pp. 69-76

Nexus interni

• Ova taricha tunnorum

Nexus externi

• "Botargo" apud The Art and Mystery of Food
• Sho Spaeth, "Bottarga: What It Is, How to Use It, and Whether It’s Worth It" apud Serious Eats