Oberonia titania
Oberonia titania[2][3] est species plantarum florentium familiae Orchidacearum, quae epiphyta caespitem generat. Ei in quoque surculo sunt a quattuor ad decem folia flabelliformia et usque ad 350 perparvuli flores colore a roseo ad rubrum in verticillis circa caulem florentem ordinati. Endemica est in Iava, Nova Caledonia, et Australia orientali, Insula Norfolcia non exclusa.
Ordo : Asparagales
Familia : Orchidaceae
Subfamilia : Epidendroideae
Tribus : Malaxideae
Subtribus : Malaxidinae
Genus : Oberonia
Species : Oberonia titania
Lindl.[1]
- Malaxis titania (Lindl.) Rchb.f.
- Iridorkis titania (Lindl.) Kuntze
- Oberonia palmicola F.Muell.
- Malaxis palmicola (F.Muell.) F.Muell.
- Oberonia neocaledonica Schltr.
Descriptio
recensereOberonia titania est herba epiphytica quae caespites generat. Cuique surculo sunt a quattuor ad decem folia succulenta, lanceolata vel ovata, viridia vel cinerascentia, 40-60 mm longa et 3-5 mm lata, imis partibus convenientibus. A quinque ad 350 flores subrosei ad roseos circa 1.2 mm longi et 1.0 mm lati in sex ad octo verticillos in arcuato cauli florente 30-80 mm longo ordinantur. Sepala et petala ovata circa 0.9 mm longa sibi seorsum extenduntur. Labellum est cupulatum, circa 1.0 mm longum et 0.6 mm latum, tris lobos habens. Plantae a Ianuario ad Iunium florent.[2][3][4]
Taxinomia et nomina
recensereOberonia titania primum a Ioanne Lindley anno 1859 rite agnita est, qui descriptionem in libro Folia Orchidaceae protulit.[5][6]
Distributio et habitatio
recensereHaec orchis in arboribus in silvis pluvialibus umidisque vallibus praeruptis in Iava, Nova Caledonia, Nova Cambria Australi, Insula Norfolcia, et Terra Reginae sponte crescit.[1][7]
Conservatio
recensereHaec orchis vulnerabilis describitur sub Biodiversity Conservation Act 2016 Novae Cambriae Australis. Principales speciei minae sunt deterior habitationis naturali condicio et collectio illegitima.[3]
Notae
recensere- ↑ 1.0 1.1 Formula:WCSP
- ↑ 2.0 2.1 Jones, David L. (2006). A complete guide to native orchids of Australia including the island territories. Frenchs Forest, N.S.W.: New Holland. p. 471. ISBN 1877069124.
- ↑ 3.0 3.1 3.2 "Red-flowered King of the Fairies - profile". New South Wales Government Office of Environment and Heritage.
- ↑ Weston, Pete H.. "Oberonia titania". Royal Botanic Garden Sydney.
- ↑ "Oberonia titania". APNI.
- ↑ Lindley, John (1859). Folia Orchidaceae (Part 8). Londinii. p. 8.
- ↑ "Oberonia titania". Flora and Fauna of New Caledonia.
Nexus externi
recensere
|
Vicimedia Communia plura habent quae ad Oberoniam titaniam spectant. |
|
Situs scientifici: Tropicos • Plant List • Biodiversity • Encyclopedia of Life • Plant Name Index • INPN France |