Myelina
In neuroanatomia myelina[1] (-ae, f.; ab Gr. μυελός, medulla; etiam vide Gr. μυελίνη) est tegumentum lipideum quo nonnulli axones teguntur quibus candidum colorem confert ("substantia alba" in cerebro). Myelina e cumulatis membranis constat quarundam cellularum glialium sese circa axones circumvolventium (de oligodendrocytis in systemate nervoso centrali agitur, de cellulis Schwanniis in systemate nervoso periphericɒ). Nam membranae lipideae cumulatae axonem a liquore extracellulari electrice dissociant et fluxum iontium trans membranam axonalem cohibent. Quo facto celerius signa electrica longitudinem axonum percurrunt[2]. Non enim continuum est tegumentum sed per certa intervalla intermittitur ubi membrana axonis nuda relinquitur et multos canales ionticos praebet quibus ionta Na+ in neuronem intrare possunt. Qui loci nudi 'nodi Ranvierei' dicuntur. In homine circiter 1 mm inter duos nodos Ranviereos interesse solet. Ita cum signum per axonem mittitur inversio polorum electricorum non continua fit per totam membranam sed a nodo Ranviereo ad proximum velut saltum facit. Quae conductio electrici fluxus "saltatoria" dicitur et celeritatem transmissionis multum auget.
Myelina laesum multiplicis sclerosis causa est, morbi gravissimi.
Notae Recensere
- ↑ Cfr. "... cum diagnosi sclerosis systematis nervosi centralis cum diffuso detrimento myelinae", apud Sancta Sedes (6 Iulii 2007). "Beatificationis et canonizationis Ven. Servae Dei Caelestinae a Matre Dei ... Decretum super miraculo". Acta Apostolicae Sedis 94 (7): 611
- ↑ Sherwood, Klandorf, Yancey, Animal physiologyː from Genes to Organisms, 2013ː 4.3. Interpretatio Francogallicaː De Boeck, 2016 pp.126-9 et 177.
Plura legere si cupis Recensere
- Lucas Baudouin, Noémie Adès, Lamia Bouslama-Oueghlani. "La myéline : Un nouvel acteur dans la plasticité cérébrale". M/S médecine/sciences, 2021ː 535-538.
- Myelin : basic and clinical advances, curantibus Kazunori Sango, Junji Yamauchi, Toru Ogata. Springer, 2019. Nonnullae paginae apud Guglum librorum
- Myelin : methods and protocols, curante Ashwin Woodhoo. Humana Press, 2018
- Bernard Zalc et Florence Rosier, La myéline : le turbo du cerveau, Odile Jacob, 2016. Translatio Anglica, Oxford University Press, 2018ː Myelin : the brain's supercharger