Maria de Oosterwijck

Maria de Oosterwijck (vulgo: Maria van Oosterwijck seu Maria van Oosterwyck; Nootdorp 20 Augusti 1630 nata; Uitdam 16 Novembris 1693 mortua) fuit saeculi aurei pictrix Nederlandica,

Biographia

Natura mortua com floris et papilionibus

Qui erat filia Verbi Divini ministri^[1] Iacobi de Oosterwijck et Hadrianae Lambrechts de Linschoten^[2]. A Wilhelmo de Aelst^[3]^[4] vel Ioanne de Heem^[1]^[5] artem pingendi didicit^[3]^[4]^[1]^[5]. In eius familia erant pictores nonnulli: matertera Maria de Linschoten nupsit Henrico de Beijeren, patri naturae mortuae pictoris Abraham de Beijeren, qui in matrimonium duxit Annam van den Queborn, naturae mortuae pictricem^[2]. A pueritia ergo facultatem pingendi praebuit^[2].

Primum Maria Delfi laboravit^[3], ibique de 1656 usque ad 1658 in Voorstraat domi a materno genere avi eius officinam instituit^[2], postea Lugdunum Batavorum (1658-1660)^[3] petiit cum fratre Lamberto, qui theologiam discebat, ibique avunculus Ioannes Jansz. Orlers, historicus, agebat^[2], dehinc Traiecti ad Rhenum laboravit (1660)^[3], ibique mansit tres annos circiter, et naturas mortuas perfecit secundum rationem Ioannis de Heem, qui, Arnoldi Houbraken sententia, eius rector erat^[2]. Anno 1675 denique Amstelodamum petiit, ibique habitavit adversus Wilhelmi de Aelst officinam, mansit et laboravit usque ad 1689^[3].

Primum Wilhelmi de Aelst tiro fuit et per eum prima merita peregrina adepta est^[2]. Deinde unice institit naturis mortuis, particulariter florum, pomorum et vanitatibus^[2]^[3], et in quibus pingendis Ioannem de Heem imitatus est^[5]. Hae picturae inde optimatibus Amstelodami venditae sunt^[2]. Ea vivente, Maria famam acquisivit, adeo ut Ludovicus XIV et Leopoldus I imperator eius patroni fuerint et opulentiam adepta sit^[5]. Eius opera a stirpe regia Francogallica, Anglica et Saxoniae aestimata sunt^[5], Cosimus III Medices eius picturam emit quoque^[4]. Attamen, ut mulieres plures, numquam ad pictorum sodalitatem unam recepta est^[5].

Per totam vitam Maria picturae studuit, idcirco non nubuit: enim, ex Houbraken sententia, Wilhelmum de Aelst reiecit^[2].

Geertgen Wyntges artem ab ipsa didicit^[3].

Opera

Natura mortua cum floribus et papilionibus, pictura, 37,1 x 46 cm, 1669, apud Museum Artis Cincinnati, Cincinnati
Vanitas cum calva, clepsydra et vaso florum, pictura, 73 x 88,5 cm, 1668, apud Museum Historiae Artis Vindobonae
Natura mortua cum vaso florum et cochlea supra ligni tabula, pictura supra tela cum pigmento oleario, apud Museum Fitzwilliamense Cantabrigiae^[6]
Natura mortua cum floribus et papilione, pictura supra tela cum pigmento oleario^[7]
Vanitas cum calva et heliotropio, pictura supra tela cum pigmento oleario, apud collectanea privata^[8]
Natura mortua cum floribus pomisque, pictura supra tela cum pigmento oleario, 1670 fere, apud Palatium Pittianum, Florentiae^[9]
Natura mortua cum floribus in vaso scite ornato, pictura supra tela cum pigmento oleario, 62 x 47,5 cm, 1670-1675, apud Mauritshuis, Hagae^[10]
Natura mortua cum vaso florum, citreo papilioneque, pictura supra tela cum pigmento oleario, deorsum in media pictura obsignata Maria Va Oosterwijck Aº 1675, 90,4 x 80,7 cm, 1675^[11]
Natura mortua cum floribus, heliotropio insectisque, pictura supra tela cum pigmento oleario, 73,6 x 55,8 cm, 1670 fere, apud Museum Artis Denverii, Denverii^[12]
Natura mortua cum floribus et papilionibus, pictura supra tabula cum pigmento oleario, 47,3 x 36,8 cm, 1686, apud Collectanea Regia^[13]
Natura mortua cum floribus, insectis conchaque, pictura supra tabula cum pigmento oleario, 47,4 × 36,5 cm, 1689, apud Collectanea Regia^[14]

Notae

Bibliographia

Noud Janssen (2018). "Oosterwijck, Maria van (1630-1693)". Digitaal Vrouwenlexicon van Nederland - DVN
"Oosterwyck, Maria van (Dutch painter, 1630-1693)". Union List of Artist Names Online. 2018
Emil Kren; Daniel Marx (2018). "OOSTERWIJK, Maria van". The Web Gallery of Art
"AELST, Willem van". Enciclopedie on line - Treccani.it. 2018
"Maria van Oosterwijck". Rijksbureau voor Kunsthistorische Documentatie. 2018

Nexus externi

Vicimedia Communia plura habent quae ad Mariam de Oosterwijck spectant.

Maria de Oosterwijck in Artnet (Anglice)
Maria de Oosterwijck in Artcyclopedia (Anglice)

[ulan-1] 1.0 ^1.1 ^1.2 Union List of Artist Names

[vrouw-2] 2.00 ^2.01 ^2.02 ^2.03 ^2.04 ^2.05 ^2.06 ^2.07 ^2.08 ^2.09 Vrouwenlexicon

[rkd-3] 3.0 ^3.1 ^3.2 ^3.3 ^3.4 ^3.5 ^3.6 ^3.7 Rijksbureau voor Kunsthistorische Documentatie

[treccani-4] 4.0 ^4.1 ^4.2 Enciclopedia online Treccani

[web-5] 5.0 ^5.1 ^5.2 ^5.3 ^5.4 ^5.5 The Web Gallery of Art

[6] Natura mortua cum vaso cum floribus et cochlea - Communia

[7] Natura mortua cum floribus et papilione - Communia

[8] Vanitas cum calva et heliotropio - Communia

[9] Natura mortua cum floribus pomisque - Communia

[10] Natura mortua cum floribus in vaso scite ornato - Communia

[11] Natura mortua cum vaso florum, citreo papilioneque - Communia

[12] Natura mortua cum floribus, heliotropio insectisque - Communia

[13] Natura mortua cum floribus et papilionibus - Communia

[14] Natura mortua cum floribus, insectis conchaque - Communia

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]