Insula Maraiensis

Insula Maraiensis (Lusitanice Ilha do Marajó), olim ab indigenis Marinatambal et a primis colonis Ilha Grande de Joannes ('Magna Insula Ioannis') appellata, est magna insula ad deltam fluminis in Paraensi, civitate Brasiliensi, quae maxima et principalis ex insulis in Archipelago Maraiensi in Amazonia est. Finitur ab ostio Fluminis Amazonum ad occidentem versus, Oceano Atlantico ad septentriones et orientem versus, Flumine Paraensi ad australem versus, et Sinu Maraiensi ad orientem versus.

Despectus ex satellite in ostium Fluminis Amazonum, insula Maraiense in parte dextra inferiori.

Cratera culturae Maraioarensis. Museum Nationale Brasiliae.

Tabula geographica Insulam Maraiensem monstrat.

Urna sepulcralis culturae Maraioarensis. Museum Historiae Naturalis Americanum.

Insula est secunda a maxima in America Australi et tricesima quinta in orbe terrarum. Area terrestris est 40 100 chiliometrorum quadratorum, cum area Helvetiae congruens; longitudo maxima 295 chiliometra, latitudo maxima 200 chiliometra est.

Ab anno 400 a.C.n. fere usque ad 1600 p.C.n. fere, insula fuit locus societatis praecolumbianae culturae Maraioarensis appellatae, cui fortasse erant plus quam 100 000 incolarum. Hodie, insula permultis bubalis feris innotescitur, necnon undis aestu factis (vulgo pororocas), quae ab aestu interdum efficiuntur cum aqua accedens usitatas rationes hydrodynamicas in regione deltae Amazonicae superet.

Bibliographia

• Araujo Costa, Costa Costa. 2014. "Marajó." Grove Art Online. Oxoniae: Oxford University Press. Textus interretialis.
• "Marajó Island." 2014. Encyclopædia Britannica
• Government of Brazil. 2011. Development Plan for Marajó. [1] Archivum, 6 Iulii 2011.
• Lobato, Sidney da Silva. 2012. Amapá: experiências fronteiriças. Coleção Estudos Amazônicos: História. Bethlehem Paraensi: Editora Estudos Amazônicos.
• Mann, Charles C. 2006. 1491: New Revelations of the Americas before Columbus. Novi Eboraci: Knopf Doubleday Publishing Group. ISBN 9780307278180. Google Books.
• Prof. 2009. "Pará Histórico: Índios no Pará." Parahistorico.blogspot.com. [https://web.archive.org/web/20140529051954/http://parahistorico.blogspot.com/2009/02/indios-no-para.html Archivum, 29 Maii 2014.
• Romero, Simon. 2015. "To Soften Image, Brazilian Police Ride In Atop Horned Beasts." The New York Times, 20 Iunii 2015. ISSN 0362-4331. Textus interretialis.
• Ryan, Jeffrey, ed. 2009. Pandemic influenza: emergency planning and community preparedness. Boca Raton: CRC Press.

Nexus externi

Vicimedia Communia plura habent quae ad Insulam Maraiensem spectant (Marajó, Ilha de Marajó).

• De insula et civitate Paraense apud V-Brazil.com.