Iaroslavia

Vide etiam paginam discretivam: Iaroslavia (discretiva).

Iaroslavia^[1] (Russice Ярославль, tr. Jaroslavl’) est urbs Russica, metropolis regionis Iaroslaviensis. Historica urbis pars, Situs Patrimonii Mundi, ad confluentiam Rhae Cotoroaque^[2] fluviorum sita est, circa 250 km ad septentrio-orientem Moscuae. Circa 608 milia incolarum anno 2017 habuit.

Iaroslavia est valens sedes industriae (constructionis machinarum, etc.) et transportationis: stationes ferriviarias, portum, et nonnullos aeroportus habet. Urbi sunt universitates studiorum aliaque instituta educationis, musea, theatra, et multa historica architecturae monumenta.

Historia

Templum Eliae Prophetus, Iaroslaviae annis 1647—1650 constructum

Iaroslavia fortasse condita est anno 1010 a Iaroslao Sapienti (tunc duce Rostoviensi, dein magno duce Kioviensi). E fabulá, hic in futuro loco huius urbis ursam (bestiam sacram hominum ibi habitantium) cecidit, propterea ursus in signe Iaroslaviae depictus est.

Anno 1218, urbs facta fuit metropolis ducatus, quem Moscovia adiunxit anno 1463. Anno 1612, tempore Polonicae Moscuae occupationis, urbs de facto fuit temporalis Russiae caput, cuius secunda maxima urbs saeculo septimo decimo erat.

Annis 1777–1929 Iaroslavia metropolis gubernii erat, anno 1936 autem sedes administrativa regionis facta est.

Notae

Nexus externi

Vicimedia Communia plura habent quae ad Iaroslaviam spectant.

Vide Iaroslavia e Lexico Universali I. Hofmanni apud Vicifontem.

Alexii Vestigiarii Liber de lingua Latina viva. Caput VIII. De urbe Georgiopoli mille annis ante condita

[Iaroslavia-1] Russia seu Moscovia itemque Tartaria, p. 25.

[2] S. de Herberstein, Rerum Moscoviticarum commentarii, p. 84

[1]

[2]