Iacobus Cleverly, vulgo plene James Spencer Cleverly (Lewisham in burgo Londiniensi die 4 Septembris 1969 natus) est politicus Britanniae.

Wikidata Iacobus Cleverly
Res apud Vicidata repertae:
Iacobus Cleverly: imago
Iacobus Cleverly: imago
Nativitas: 4 Septembris 1969; Lewisham
Patria: Britanniarum Regnum

Patre Britanno, matre e Monte Leonino orta, tiro in exercitu Britannico inscriptus est sed propter vulnus decessit: deinde administrationi deversoriorum apud Polytechnicum Londinii Occidentalis studuit. Ab anno 2002 iuxta domos editoriales laboravit. Anno 2007 legatus congressui Londiniensi electus est pro circulo Bexley et Bromley: hic primum prope Borisium Johnson (eo tempore praefecto Londiniensi) operam dabat, titulo "legatus iuvenibus" (youth ambassador) ornatus . Legatus est parlamento Britannico ab anno 2015 pro circulo Braintree. Die 7 Iulii 2022, primo ministro Johnson iam iam abituro, Iacobus Cleverly minister ab eruditione factus est, at, Elisabetha Truss prima ministra nuper creata, minister a rebus externis die 6 Septembris 2022 promotus est. Primo ministro Rishi Sunak in officium secretarii rerum internarum die 13 Novembris 2023 convocatus est.

Bibliographia recensere

Nexus externi recensere

  Lexica biographica:  • Parlamentum Britannicum