IJsselmeer

IJsselmeer (Nederlandice, [ˌɛi̯.səɫ.ˈmeːr]), vel Lacus Ĳssel sive Lacus Yssel, id est Lacus Isalae, est humilis lacus artificiosus, 1100 chiliometrorum quadratorum in media Nederlandia et in finibus provinciarum Flevolandiae, Hollandiae Septentrionalis, et Frisiae situs, peraeque a 5 ad 6 metra altus. Ĳsselmeer est maximus lacus in Europa Occidentali situs.

Ĳsselmeer est lacus aquae dulcis, per Ketelmeer a flumine Isala impletus, ex quo appellatur. Plerumque ab aqua ex Rheno impletur, cuius Isala est ramus.

Ĳsselmeer anno 1932 creatus est cum Mare Austrinum (Batave Zuiderzee), mare internum, a Mole Claustrali (Batave Afsluitdijk) 32 chiliometra longa, inclusum est. Hoc fuit pars maioris propositi ingeniariae hydraulicae, Zuiderzeewerken^(nl) appellati, quod formationem terrae ex Ĳsselmeer post multos annos promovit, magnitudinem lacus imminuens.

Navis usitata in Ĳsselmeer velis datis vehitur.

Anno 1975, diffisus est Ĳsselmeer in partes binas per constructionem molis vulgo Houtribdijk vel Markerwaarddijk dictae, quod primum ut Markerwaard adiaceret descriptum est; haec moles ab urbe Enkhuizen ad meridio-orientem ad urbem Lelystad extendit. Hic lacus, olim meridiana Ĳsselmeer pars, nunc est Markermeer, hydrologice distinctus.

Ĳsselmeer pro receptaculo aquae dulcis est, fons agriculturae et aquae bibendae. Multas occasiones oblectamentorum otii praebet.

Provincia Flevolandia anno 1986 ex tribus polris ex Ĳsselmeer formatis creata est.

Nexus externi

Vicimedia Communia plura habent quae ad IJsselmeer spectant.

IJsselmeer apud Statum Nederlandiae Aquosum (Nederlandice)
"IJsselmeer" apud skipperguide.de, situs generis wiki (Theodisce)
Navigatio in Nederlandia (Theodisce)