Hydrus (constellatio)

Vide etiam paginam discretivam: Hydrus (discretiva).

Data Hydri constellationis
Nomen	Hydrus
Genetivus	Hydri
Abbreviatio	Hyi
Ascensio recta	2 h
Declinatio	-75°
Area	243 gradus quadrati
Videri potest inter	-90° ac +5°
Numerus stellarum magnitudinis < 3m	2
Stella lucidissima, Magnitudo	β Hyi, 2,82m
Constellationes finitimae (a septentrionalibus sensu negativo)	Reticulum Horologium Eridanus Tucana Octans Mensa Dorado

Hydrus est parva constellatio in caelo australi prope polum sita. Stellae eius clariores a Nicolao Ludovico de Lacaille astronomo Francico anno 1756 designata sunt. Nominata est ex hydro, serpente aquatico. Non confundi debet cum Hydra constellatione, quae autem apud antiquos aliquando et Hydrus appellabatur. Plurimis spectatoribus hemisphaerii borealis Hydrus sub horizonte manet et haud videri potest.

Stella eius clarissima est Beta Hydri magnitudinis 2.8, quae est etiam proxima ad polum australem stella clara. Gamma Hydri est gigas ruber variabilis, cuius diametros est sexagies maior diametro Solis nostri. Prope eum est VW Hydri, una ex clarissimis novis pumilis caelorum. Quattuor systemata stellaria inventa sunt quibus sunt exoplaneta, quorum notissimum est HD 101800, quod fortasse novem planetas habet.

Stellae

Si plus cognoscere vis, vide etiam Stellae Hydri.

β Hydri: Haec stella 24,38 sla remota classis spectralis G2 V/IV in fine "vitae" modo Gigas rubra fit. β Hyi ergo similis est Soli nostro futuro (post ca. 35 miliens centena milia annorum).

Nexus externi

• "Hydrus" apud Chris Dolan, The Constellations and their Stars
• "The Constellations" apud situm Internationalis Unionis Astronomicae

Constellationes nominibus Latinis digestae

Constellationes abbreviationibus digestae

Zodiacus