Capricornus (constellatio)

Capricornus est constellatio zodiaci in caelo nocturno. Sol nunc hieme (a.d. XIII Kal. Februarias ad a. d. XIV Kal. Martias) in Capricorno versatur. Antiquis autem temporibus erat in solstitio (a. d. XII Kal. Ianuarias) in Capricorno. Capricornus nomen suum dedit etiam signo zodiaco Capricornus.

Forma constellationis.

De forma constellationis

Constellatio Capricorni inter clarissimas constellationes zodiaci habetur; post Cancrum secundum tenet locum. Stellae eius lucidissimae α et δ et ω Capricorni triangulum formant. Noli hoc triangulum confundere cum triangulo ex α Cap et β Aqr et ι Aqr formato, quod magis ad septentrionales spectat potiusque videri potest.

• Facillime repertu est β Cap, quae sita est in axi capitis Aquilae. Quae stella caput capricorni habetur, et vicina quaedam parva 3° ad septentrionalis versa, α Cap, apicem cornus significat.
• In linea ab illis duabus stellis formata, 10° ad meridiem versae, duae stellae coniunctae inveniuntur, nempe ψ et ω Cap.
• Ab hac directione ad occidentem versus quadriangulum satis lucidum invenies, quod ad partes infra caput spectat: θ, ι, γ, denique δ Cap, lucidissimam, quae initium caudae significat.

Triangulum (mag 4) tantum bona condicione videri potest. α et β Cap duo cornua Capricorni formare dicuntur.

Stellae

Si plus cognoscere vis, vide etiam Stellae Capricorni.

Stella	Magnitudo	Magnitudo absoluta	Intervallum (sla)	genus spectrale
Deneb Algedi (δ Cap)	2,85	2,49	38,57	A5m F2 (IV)
Dabih (β Cap)	3,05	-2,07	344	A5:n
Secunda Giedi (α2 Cap)	3,58	0,97	109	G6/G8 III
Nashira (γ Cap)	3,69	0,54	139	A7 III:mp...
ζ Cap	3,77	-1,66	398	G4 Ibp...
θ Cap	4,08	0,65	158	A1 V
ω Cap	4,12	-2,3	629	K4 III
ψ Cap	4,13	3,3	48	F5 V
ι Cap	4,28	0,18	216	G8 III
24 Cap	4,49	-1,53	523	K5/M0 III
36 Cap	4,5	0,8	179	K0 III
Prima Giedi (α1 Cap)	4,75	-1,87	687	G3 Ib
Alshat (ν Cap)	4,77	0,16	272	B9 IV
ρ Cap	4,77	2,37	99	F3 V
η Cap	4,82	1,39	158	A5 V

N. b.: Mumeri a mensuris satellitis Hipparcos dependent.

Data Capricorni constellationis

Nomen	Capricornus
Genetivus	Capricorni
Abbreviatio	Cap
Area	414 gradus quadrati ordo: 40
Ascensio recta	21° 1'
Declinatio	20° 14'
Videri potest inter	+60° ac -90°
Numerus stellarum magnitudinis < 3	?
Stellae magnitudinis < 5,5	?
Stella lucidissima - Magnitudo	Deneb Algedi (δ Cap) 2,85
Constellationes finitimae	Aquila Microscopium Piscis Australis Sagittarius Aries

Historia

Haec constellatio iamiam ab antiquissimis temporibus nota est, quae iam in tabellis cuneiformibus Babylonicis ante 3000 annos scriptis memorata est.

Capricornus in mythologia Graeca nonnumquam identificatus^? est cum Amalthea, quae capra Dia (id est Iovem) sicut filium alebat. Alii eum Panem fuisse dicebant qui monstrum Typhona fugit. Neptunus ille planeta in hac constellatione inventus est ab astronomo Germano Iohanne Gallo iuxta Deneb Algedi (δ Cap) ante diem 9 Kalendas Octobris anno 1846.

Bibliographia

• "Capricornus" in Richard Hinckley Allen, Star-Names and Their Meanings (Stechert, 1899) Textus apud LacusCurtius

Nexus externi

• "Capricornus" apud Chris Dolan, The Constellations and their Stars
• "The Constellations" apud situm Internationalis Unionis Astronomicae

Constellationes nominibus Latinis digestae

Constellationes abbreviationibus digestae

Zodiacus