Gunterus Verheugen

Gunterus Verheugen (natus 28 Aprilis 1944 Cruciniaci) vir publicus Theodiscus factionis primo FDP, deinde SPD fuit.

Iuventus et munus

Verheugen anno 1963 maturitatem adeptus est et deinde actis in diurnis voluntarius laboravit. Deinde ab anno 1965 historiae, sociologiae, rebus politicis in universitatibus Coloniae et Bonnae studebat.

Cursus honorum

Sodalis FDP

Ab anno 1967 Verheugen sodalis FDP fuit et praeses Iuvenum Democraticorum in Rhenania Septentrionali-Vestfalia factus est. Anno 1969 pro Administro Foederali Rerum Internarum Ioanni-Theoderico Genscher laboravit. Anno 1974 Genscher ministrum etiam in Administerium Foederalem Rerum Exterarum secutus est. Anno 1978 factio eum secretarium generalem FDP elegit.

Sodalis SPD

Sed cum anno 1982 Genscher novum foedus regendi cum factione CDU constituisset, Verheugen cum aliis sodalibus sinistrae factionem reliquit et ad SPD accessit. Annis 1983 - 1999 legatus Dietae Foederalis Germaniae erat et etiam praeses vicarius fractionis SPD electus est. Anno 1998 administer statalis in Administerio Rerum Externarum Iosepho Fischer duce factus est.

Commissarius Unionis Europaeae

Mense Septembri 1999 commissarius Unionis Europeae nominatus est et primo expansionem UE, deinde ab anno 2004 industriam administrabat. Anno 2009 commissionem reliquit.

Professor

Ab 20 Aprilis 2010 Verheugen nunc professor "artem Europam regendi" in universitate Francofurti ad Viadrum docet.