Forfex

Forfex est secandi vel tondendi instrumentum una manu adhibendum, quod binis constat laminis metallicis ita fixis, ut acies acutae, cum ansulae cnodaci oppositae clauduntur, inter se contra labantur.

Forfex fortasse saeculi secundi, fortasse ex Trapezunte, colonia Romana in Turciae hodierna. Metallica caelaturae designatio modo Aegyptico significat hoc exemplum factum esse ad artem Aegyptiam imitandum. Forfice clusa, canis felesque apud apices facie ad faciem videntur.

Commune forficis genus.

Forfices manuum laevae (laeva parte) et dextrae (dextra parte).

Adhibetur forfex ad varias materies tenues secandas, inter quas sunt charta, carta crassior, folium metallicum, textum, funis, filum. Multis forficum generibus sunt proposita praecipua, quorum forfex tondendi et forfex coquinatoria sunt exempla nota. Forficibus tondendi sunt certi laminarum anguli ad capillos secandos aptissimi: capillis forfice haud apta secatis erit maius detrimentum. Forfices coquinatoria cibos sicut carnes secant et putant. Forfices etiam in avocamentis aliisque artibus oblectationis utiles sunt.

Forfices hodiernae ergonomice saepe designantur, ex thermoplastica cum manubriis e latice compositis, quae sinunt ut homo comprehensionem aut validam aut exactam adhibeat.

Pinacotheca

• 
  Forfex Sinica ex domu Tang ineunte aut media.
• 
  Forfex ferrea ex domu Han.
• 
  Forfex generis Fiskars, anno 1967/
• 
  Forfex embroidery^? apta formam gruidae habens.
• 
  Forfex.
• 
  Forfex ad tepetem secandum designata.
• 
  Forfex putandi, ad hortorum cultum pertinens..
• 
  Forfex coquinatoria.
• 
  Forfex ad sigara secanda designata.
• 
  Forfex ad ungues secandos designata.
• 
  Forfex praegrandis ad usum sollemnem dicata.

In pelliculis

Tres Parcae (1540–1550). Mulier media forficem manu dextra tractat. Pictura ab Ioanne Antonio Bazzi facta, nunc in Palatio Barberinorum Romae exhibita.

• Dead Again (1991)
• Edward Scissorhands (1990)
• Running with Scissors (2006)
• Us (2019)

Nexus interni

• Forceps
• Micatio Sinensis
• Silhouette

Bibliographia

• Auch, Alison. 2003. Garden tools. Minneapoli Minnesotae: Compass Point Books. ISBN 0756504481.
• Hannigan, Paula. 2006. The super scissors book. Illustrationes Brenda Sexton; photographemata Peter Fox et Joseph Quever. Palo Alto Californiae: Klutz. ISBN 9781591742036, ISBN 159174203X.
• Leech, Christine. 2014. Scissors, paper, craft: 30 pretty projects all cut, folded, and crafted from paper. Photographemata a Keiko Oikawa facta. Hauppauge Novi Eboraci: Barron's. ISBN 9781438004709, ISBN 1438004702.

Nexus externi

Vicimedia Communia plura habent quae ad forficem spectant.