Familia Bronteana

Familia Bronteana fuit familia litterarum saeculi undevicensimi, cognomine Brontë, Thornton in vico Isuriae Occidentalis nata et deinde cum Haworth in eodem comitatu consociata. Sorores Carola (1816–1855), Aemilia (1818–1848), et Anna (1820–1849) clarae poetae et scriptrices mythistoriarum agnoscuntur. Quae mulieres, sicut multae scriptrices illo tempore, poemata et mythistorias primum pseudonymis masculinis ediderunt, praenominibus Currer, Ellis, et Acton Bell. Earum fabulae animos lectorum ob animi permotionem ingeniique proprietates ad se statim converterunt. Jane Eyre Carolae prima mythistoria prospere edita fuit, cum Wuthering Heights Aemiliae, The Tenant of Wildfell Hall Annae, et alia opera magna litterarum opera postea accepta essent.

Anne, Aemilia, et Carola Brontë, a Branwell fratre pictae, circa 1834.

Branwell Brontë a se pictus, 1840.

Tres sorores et Branwell frater (1817–1848) una vivebant intimissime, iuvenesque eorum mentes ingeniosas narrationibus oralibus ludisque in mundo commenticio contortoque positis colebant, et fabulis magis magisque multiplicibus in hoc mundo positis scribendas. Mortes primum matris et tum duarum sororum maiorum natu, ac solitudo earum vitae quotidianae, eos funditus mutaverunt, eorum scripturas necessarie moventes.

Patricius Brontë paterfamilias pictus, circa 1860.

Locus natalis Bronteanus Thornton in vico hodie est situs peregrinationis, et eorum domus, rectorium apud Haworth in Isuria, nunc Brontë Parsonage Museum, centiens milia hospitum quotannis accipit.

Bibliographia

• Alexander, Christine, et Jane Sellars. 1995. The Art of the Brontës. Cantabrigiae: Cambridge University Press. ISBN 9780521438414. Google Books.
• Barker, Juliet R. V. 1995. The Brontës. Londinii: Phoenix House. ISBN 1-85799-069-2.
• Barker, Juliet. 2016. The Brontës: a life in letters. Londinii: Little, Brown. ISBN 9781408708316.
• Drabble, Margaret, ed. 1985. The Oxford Companion to English Literature. Ed. 5a. ISBN 978-0-19-866130-6.
• du Maurier, Daphne. (1960) 1987. The Infernal World of Branwell Brontë. Londinii: Penguin Books. ISBN 0-14-003401-3.
• Gaskell, Elizabeth. 1857. The Life of Charlotte Brontë.
• Peters, Margot. 1977. Unquiet Soul: Biography of Charlotte Brontë. Futura Publications. ISBN 9780860075608.
• Smith Kenyon, Karen. 2002. The Brontë Family: Passionate Literary Geniuses. Lerner Publications. ISBN 0-8225-0071-X.

Nexus interni

• Georgius Gordon, Dominus Byron

Nexus externi

Vicimedia Communia plura habent quae ad familiam Bronteanam spectant.

• Brontë Parsonage Museum in Haworth.
• The Brontës.
• De sororibus Bronteanis.