De laudibus Helenae
De laudibus Helenae vel Helenae laudatio, nonnumquam etiam Helena (Graece Ἑλένης ἐγκώμιον)[1] est oratio demonstrativa (ἐπιδεικτικός) a rhetore Isocrate inter 390 et 380 a.C.n. scripta in qua Helenam, Menelai uxorem, laudandam susceperat. Hoc argumenti genus tum sophistae ob difficultatem adfectabantː nam Helena multorum malorum mortalibus causa fuisse narrabatur et femina levis et infida habebatur. Nihilominus alia laus Helenae sub Gorgiae nomine nobis tradita est cui fortasse alludit Isocrates cum orationem sic inscriptam in praefatione laudat[2] quidem sed apologiam[3], non laudem fuisse contendit. Qua de causa veram laudem exempli gratia componere voluit.
Argumentum recensere
Calamitatibus et humanis doloribus e bello nascentibus omnino omissis Isocrates Helenam ob admiratorum praestantiam et patris Iovis iudicium qui eam caelesti sede dignatus est laudat. In longo de Theseo excursu moratur qui eam admodum puellulam venustate captus rapuitː Atheniensium regi democraticum animum tribuit ac velut Periclis praenuntium eum extollit[4]. Tali homini si placere potuit nonne egregia femina fuit Helena (argumentum ex auctoritate)[5]? Simili modo Paridis iudicium defendere conatur. Haec oratio pro hymno ad pulchritudinem stare potest cuius vis deis quoque indomabilis videtur. In ultima parte orator Helenae etiam gratias agit quod totam Graeciam velut in unam civitatem contra barbaros congregarit. Quod idem per totam vitam orationibus et litteris efficere voluit Isocrates.
Notae recensere
- ↑ Oratio X in corpore Isocratico.
- ↑ Par. 14-5.
- ↑ Iam apud Euripidem Helena ab Hecuba coram marito accusata apologiam dicit, Troadum tertio episodio.
- ↑ Thomas Kuhn, "Theseus in Isokrates' enkomion auf Helena (or. 10, 18-20)", Rheinisches Museum für Philologie, 2013ː 257-276
- ↑ Aristoteles, Ars Rhetorica II.23.11.
Editiones et commentarii recensere
- Collection des Universités de Franceː Georges Mathieu et Emile Brémond, Isocrate. Discours I. Les Belles Lettres, 1929. Cum apparatu critico et versione Gallica.
- Marco Fassino, La Tradizione manoscritta dell' "Encomio di Elena" e del "Plataico" di Isocrate, Mediolani, 2012 Recensio critica
- Isocrate, Cinq Discours : Éloge d'Hélène, Busiris, Contre les Sophistes, Sur l'Attelage, Contre Callimachos. Édition, introduction et commentaire de Robert Flacelière (« Érasme »), PUF, 1961 Recensio critica Altera recensio critica
- Oratio de laudibus Helenae e graeco in latinum traducta Ioanne Petro Lucense interprete. Quinto decimo saeculo publicata.
- Sandra Zajonz, Isokrates' Enkomion auf Helena : ein Kommentar, Göttingen, 2002 Nonnullae paginae apud Guglum librorum Recensio critica
Plura legere si cupis recensere
- Thomas G. M. Blank, "Isocrates on paradoxical discourse: An analysis of Helen and Busiris", Rhetorica: A Journal of the History of Rhetoric, 2013ː 1-33
- Léna Bourgeois, "Défendre l'indéfendable ? Les Eloges d'Hélène de Gorgias et d'Isocrate", Lille, 2020. Dissertatio academica.
- Ludwig Braun, "Die Schöne Helena, wie Gorgias und Isokrates sie Sehen", Hermes, 1982ː 158-174
- Sylvie David, "Le processus de la décision dans le synoecisme de Thésée d’après L’éloge d’Hélène d’Isocrate (§ 32-37)", Dialogues d'histoire ancienne, 2009ː 69-79
- Gunther Heilbrunn, "The Composition of Isocrates' Helen", Transactions of the American Philological Association, 1977ː 147-159
- George A. Kennedy,"Isocrates' Encomium of Helen: A Panhellenic Document", Transactions and Proceedings of the American Philological Association, 1958ː 77-83
- K. Lüddecke, C. Lüddecke, "Ueber Beziehungen zwischen Isokrates' Lobrede auf Helena und Platons Symposion", Rheinisches Museum für Philologie, 1897ː 628-632
- Terry L. Papillon, "Isocrates on Gorgias and Helen: The Unity of the "Helen"", The Classical Journal, 1996ː 377-391
- John Poulakos, "Argument, Practicality, and Eloquence in Isocrates' Helen", Rhetorica: A Journal of the History of Rhetoric, 1986ː 1-19
- Steve Schwarze, "Performing Phronesis: The Case of Isocrates' "Helen"", Philosophy & Rhetoric, 1999ː 78-95
- Maddalena Vallozza, "L’Éloge d’Hélène d’Isocrate en tant que texte d’école", Ktèma, 2016ː 109-119
- H. D. Verdam ,"Quo ordine Isocratis Busiris adversus sophistas Helena orationes inter se succedant et quid Plato ad eas responderit", Mnemosyne, 1916ː 373-395