Boris Godunov

Boris Theodori filius Godunov^[1] (Russice Борис Фёдорович Годунов, tr. Boris Fёdorovič Godunov; natus circa 1552, mortuus 13 Aprilis 1605) erat rerum politicarum peritus Russicus, qui tempore regiminis Theodori I, cuius uxoris Irenes frater erat, ab anno 1587, de facto Russiam administrabat, et post mortem tzaris illius illiberis, die 27 (17 secundum Calendarium Iulianum) mensis Februarii anno 1598, tzar Russicus factus est. Incertum est, utrum Demetrius, Ioannis Severi filius ultimus, iussu Boris occisus esset an non, sed cum Pseudodemetrius cum exercitu Polonico in Russiam venisset, successus Borisum relinquit. Mortuus est et regnum filio suo Theodoro II relinquit, qui aliquot hebdomades post a Pseudodemetrio victus et occisus est.