Viasma

Viasma ^[1] (Russice Вязьма, tr. Vjaz'ma) urbs est in regione Smolenscensi Foederationis Russicae, ad flumen eiusdem nominis. Circa 55 milia incolarum (anno 2014) habet. Urbi est statio ferriviaria valens.

Historia

Viasma primo commemorata est anno 1239. Metropolis ducatus erat, anno 1403 ad Magnum Ducatum Lituaniae, et anno 1493 ad Magnum Ducatum Moscoviae adiuncta. Saepe locus pugnarum erat. Tempore Belli Patrii anni 1812 copiae Russicae in proelio gravissimo exercitum Francicum vicerunt. Tempore Belli Magni Patrii, autumno anni 1941, copiae Sovieticae numerosae, a copiis Germanicis circumventae, milites permultos perdiderunt, cum impetum exercitus hostium ad Moscuam inhibere temptarent. Anno 2009 Viasma ornata est titulo 'Urbis gloriae militaris'.

↑ Scriptores rerum Polonicarum: ex recentioribus praecipui quotquot extant Latini..., tom. II., Amstelodami, 1698: [1], [2]

Situs geographici et historici: Locus: 55°12′37″N 34°17′6″E • GeoNames

Vicimedia Communia plura habent quae ad Viasmam spectant.