Bielogroda

Bielogroda vel Leucopolis (Russice Белгород), urbs est in Russia, ad Tanaim Minorem sita, metropolis regionis Bielogrodensis (Bielgorodensis). Circa 391 milia incolarum (anno 2017) habet.

Bielogroda

Res apud Vicidata repertae:

Bielogroda: insigne

Civitas: Russia
Locus: 50°36′0″N 36°36′0″E
Numerus incolarum: 339 978
Zona horaria: UTC+3
Situs interretialis

Gestio

Praefectus: Valentin Demidov
Procuratio superior: Belgorod Urban Okrug

Geographia

Superficies: 153.1 chiliometrum quadratum

Coniunctiones urbium

Urbes gemellae: Wakefeldia, Charcovia, Herna, Oppolia, Vyshhorod, Pryluky, Pratalia, Naissus, Orela, Sebastopolis, Changchun, Eupatoria, Sumae, Wakefield, Kurscha

Tabula aut despectus

Bielogroda: situs

Vide etiam paginam discretivam: Belogradum (discretiva).

Urbs est valens sedes scientiae, culturae, industriae, mercaturae et transportationis. Stationem ferriviariam et aeroportum habet.

In parte Bielogrodae media

Historia urbis

Bielogroda anno 1596 ut castrum condita est.

Annis 1727—1779 urbs erat metropolis gubernii in Imperio Russico.

Tempore Belli Magni Patrii pugnae gravissimae prope Bielogrodam acciderunt. Urbs bis, a 24 Octobris anni 1941 ad 9 Februarii anni 1943 et a 18 Martii ad 5 Augusti anni 1943, a copiis Germanicis occupabatur. In honorem liberationis Bielogrodae atque Orelae a copiis Sovieticis Moscuae salutatio e 124 gunnis producta est, quae tempore belli illius fuit prima talis salutatio, liberationem urbium Sovieticarum signans. Propterea, Bielogroda cognominata est "urbs salutationis primae", anno 2007 autem facta est una e primis urbibus Russiae, titulo "Urbis gloriae militaris" ornatis.

Anno 1954 urbs facta est metropolis regionis.

Nexus interni

• Vexillum Bielogrodae

Nexus externi

Vicimedia Communia plura habent quae ad Bielogrodam spectant.

• Pagina de Bielogroda Encyclopaediae Russicae Magnae (Russice)