Bang bang ji
ferculum
Bàng bàng jī vel litteris Sinensibus 棒棒鸡 (nomen partim onomatopoeicum quod "pullina bis verberata" dicit) est ferculum frigidum saepe in popinis Sinicis oblatum. E gastronomia Sichuanensi, fortasse in urbe Ya'an, oritur.
Caro pullina iam cocta baculo et cultello percutitur, in offis discinditur, cum frustis cepullarum candidis miscetur. Arachides teruntur et cum granis sesami aduruntur. Ius frigidum e pulte oleoque sesamino, oleo e capsico, aqua, sale, liquamine e soia, aceto Zhenjiangensi, zanthoxyli fructibus praeparatur. Offae pullinae, iure tinctae, arachidibus et granis sesami sparsa, inferuntur.
Bibliographia
recensere- Fuchsia Dunlop, The Food of Sichuan (Londinii: Bloomsbury, 2019) pp. 65, 70
Nexus externi
recensere- Bang bang ji paratur apud YouTube