Arcadia

Arcadia (Graece Arkadía) fuit historica Graeciae antiquae regio, media Peloponneso sita et montibus occupata, quorum culmen erat mons Cyllene, 2376 metra altus. Alii montes ob religionem aut mythologiam noti erant ut Maenalus, Lycaeus, Pholoe, Parthenion. Praecipua civitas antiqua erat Megalopolis, e pluribus vicis in unum coactis a duce Thebano Epaminonda anno 369 a.C.n. condita ut Lacedaemoniorum potentiae obstaret. Tum confoederatio Arcadica creata est quam bule decem milium moderabatur. Tempore Strabonis geographi, primis annis principatus Romanorum, incolis paene vacua iam erat. Asinorum equorumque nutriendorum curae in primis dedita tum erat.

Forma Arcadiae antiquae.

Vide etiam: Arcadia (discretiva)

Regio antiqua nomen suum nomo vel praefecturae hodiernae Arcadiae dedit..

Urbes

• Asea
• Clitorus
• Lycaea
• Maenalus
• Mantineia
• Megalopolis
• Orchomenus
• Phalaesia
• Tegea
• Tropaea

Vici

• Astros

Flumina

• Alpheus
• Erymanthus
• Ladon
• Lussius

Montes

• Cyllene
• Maenalus

Fontes

• Pausanias, libro octavo Descriptionis Graeciae Arkadika inscripto.
• Strabo, Geographica libro octavo capite octavo

Plura legere si cupis

• Laurent Dubois, Recherches sur le dialecte arcadien : grammaire, corpus dialectal, notes, index, bibliographie, Lovanii, 1988 Nonnullae paginae apud Guglum librorum Recensio critica
• Madeleine Jost, Sanctuaires et cultes d'Arcadie, Vrin, 1985 Recensio critica
  • "Sanctuaires d’Arcadie trente ans après : bilan des recherches", Bulletin de correspondance hellénique, 2018ː 97-143