Anscharius Hergt

Anscharius Gustavus Rudolphus (vulgo Oskar Gustav Rudolf) Hergt (natus 22 Octobris 1869 Numburgi, mortuus 9 Maii 1967 Goettingae) vir publicus Germaniae et sodalis Factionis Theodiscae Nationalis Popularis (DNVP) fuit.

Anscharius Hergt (ad laevam) anno 1928

Iuventus et munus

Postquam maturitatem adeptus est, Hergt Herbipoli, Monachii et Berolini iurisprudentiae studebat. Deinde primam probationem accepit, referendarius fuit, secundam probationem adeptus munere iudicis functus est et deinde annis 1902 - 1904 minister publicus Borussiae Hildesiae et Hannoverae erat. Anno 1904 minister publicus in Administerio Borussiae Aerarii Publici factus est. Anno 1915/1916 praeses administrationis Lignitii, anno 1916/1917 Opoliae in urbe Silesiae fuit.

Cursus honorum

Ab anno 1917 ad usque finem monarchiae Hergt, tum nullius factionis sodalis, Administer Borussiae Aerarii Publici erat. Deinde DNVP accessit et 9 Decembris 1918 eius praeses primus electus est. Hergt legatus senatus terrae Borussiae annis 1919 - 1923 atque legatus Dietae Imperii annis 1920 ad usque mensem Novembrem 1933 fuit. Cum anno 1924 nonnulli legati factionis suae pro proposito Dawes, quo tributa ad victores Belli solvenda definita sunt, suffragia tulissent, Hergt ab extrema dextra valde vituperatus praeses factiones se recessit. 28 Ianuarii 1927 - 28 Iunii 1928 Administer Imperii Iustitiae et Cancellarius vicarius in consilio ministrorum Marx IV fuit. Eo anno et candidatus erat praesidis DNVP, sed Alfredus Hugenberg, qui foedus regendi cum NSDAP impetrari in animo habebat, plura suffragia accepit.

Post cursum honorum

Cum anno 1933 Nazistae rerum potiti essent, Hergt Novembri mense anni Dietam Imperii reliquit atque vitam privatam Goettingae degebat.

Nexus externi

• Curriculum vitae in pagina Musei Historici Germanici (lingua Theodisca)

Ministri Iustitiae Imperii Germanici

Cancellarii Vicarii Germaniae

Temporibus Monarchiae (1878 - 1918) Otto Comes ad Stolberg-Wernigerode | Carolus Henricus de von Boetticher | Arthurus Comes de Posadowsky-Wehner | Theobaldus de Bethmann Hollweg | Clemens de Delbrück | Carolus Helfferich | Fridericus de Payer Tempore Rei Publicae Vimarianae (1919 - 1933) Eugenius Schiffer (DDP) | Bernhardus Dernburg (DDP) | Matthias Erzberger (Centrum) | Eugenius Schiffer (DDP) | Ericus Koch-Weser (DDP) | Rudolphus Heinze (DVP) | Gustavus Bauer (SPD) | Robertus Schmidt (SPD) | Carolus Jarres (DVP) | Anscharius Hergt (DNVP) | Hermannus Dietrich (Factio Theodisca Rei Publicae) Sub Dictatura Nazista (1933 - 1945) Franciscus de Papen (nullius factionis) Inter Rem Publicam Foederalem Germaniae (ab anno 1949) Franciscus Blücher (FDP) |Ludovicus Erhard (CDU) |Ericus Mende (FDP) |Ioannes-Christopherus Seebohm (CDU) |Gulielmus Brandt (SPD) |Gualterus Scheel (FDP) |Ioannes-Theodericus Genscher (FDP) |Egon Franke (SPD) |Ioannes-Theodericus Genscher (FDP) |Georgius Möllemann(FDP) |Nicolaus Kinkel (FDP) |Iosephus Fischer (Virides) |Franciscus Müntefering (SPD) |Francus Gualterus Steinmeier (SPD) |Guido Westerwelle (FDP) |Philippus Rösler (FDP) |Sigmarius Gabriel (SPD) |Henricus Maas (SPD)

Consilium Ministrorum Marx IV (28 Ianuarii 1927 - 12 Iunii 1928)