Aeschylus Rhodius
Aeschylus Rhodius (Graece Αἰσχύλος ὁ Ῥόδιος), qui saeculo IV a.C.n. exeunte floruit, Alexandri Macedonis et Antigoni Monophthalmi coaevus, fuit anno 332 a.C.n. ab Alexandro in insula nativa praepositus, annoque 330 a.C.n. militibus in Aegypto praefectus. Anno 319 a.C.n. pecunia quam e Cilicia in Macedoniam Aeschylus advehebat ab Antigono iuxta Ephesum retenta est. Ab eo tempore fortasse ipse se ad Antigonum iunxit. Anno enim 311 a.C.n. in litteris ab Antigono urbi Scepsidi missis (OGIS 5) Aeschylum quendam (an Rhodius sit, nescitur) legatum cum Demarcho Taronis filio ad Cassandrum missum esse fertur. Post pacem eodem anno sanctam cum Aristodemo et Hegesia in Aegyptum ad Ptolemaeum missus est.
Fontes
recensere- OGIS 5
- Arrianus, Anabasis Alexandri 3.5.3
- Curtius, Historiae 4.8.4
- Diodorus Siculus, Bibliotheca historica 18.52.7
- IG vol. 2, 2a ed., 569
Bibliographia
recensere- Helmut Berve, Das Alexanderreich auf prosopographischer Grundlage (Monaci: Beck, 1926) i.35, vol. 2 p. 17
- "Prosopography of Antigonos's Friends and Subordinates" in Richard A. Billows, Antigonos the One-Eyed and the Creation of the Hellenistic State (Berkeley: University of California Press, 1990) no. 4, p. 364
- H. Hauben, Het vlootbevelhebberschap in de vroege Diadochen tijd (Bruxellis, 1975) pp. 7-9
- J. Kaerst in Paulys Real-Enzyklopädie der classischen Altertumswissenschaft edd. G. Wissowa et alii (Stuttgart, 1893-1972 ~ ~) vol. 1 col. 1065
- E. Olshausen, Prosopographie der hellenistischen Königsgesandten (Lovanii, 1974) pars 1 no. 63
- "Aeschylus (4)" in Gulielmus Smith (1844–1849). Dictionary of Greek and Roman Biography and Mythology [📖]. Londinii: Taylor & Walton vol. 1 p. 44
 |
Haec stipula ad biographiam spectat. Amplifica, si potes! |