Xerxes I (rex Persarum)

rex Persarum

Haec commentatio vicificanda est ut rationibus qualitatis propositis obtemperet.

Quapropter rogamus ut corrigas, praecipue introductionem, formam, nexusque extra et intra Vicipaediam.

Darius I bellum novum adversus Graecos parabat. Cum decessit, Xerxes (lingua Persica antiqua Xšayaršā; Graece Ξέρξης), primus huius nominis, filius et successor Darii, patris incoepta persecutus est. Bellum et mari et terra per quinquennium instruxit, et tantas collegit copias, quantas neque antea, neque postea quisquam habuit. Eius enim classis mille et ducentarum navium longarum fuit, quam sequebantur duo millia onerariarum. Terrestres autem exercitus septingentorum millium peditum, equitum quadringentorum millium fuerunt. Diversissimae gentes, et innumeri populi sub signis Persarum militabant : Indi, Arabes, Chaldaei, Lydi, Aethiopes. Haec multitudo varia linguis, vestibus et armis, colluvio barbarorum erat, non justus exercitus. Ceterum tanto agmini dux deerat.

Wikidata Xerxes I (rex Persarum)
Res apud Vicidata repertae:
Xerxes I (rex Persarum): imago
Xerxes I (rex Persarum): imago
Nativitas: 519 a.C.n.; Irania
Obitus: 465 a.C.n.; Persis
Patria: Achaemenidae

Familia

Genitores: Darius I; Atossa
Coniunx: Amestris
Proles: Darios, Histaspes, Artaxerxes I (rex Persarum), Rhodogune, Amytis, Artarius
Familia: Achaemenidae

Memoria

Sepultura: Irania

Neque enim dux haberi poterat Xerxes, rex nullius virtutis aut prudentiae. In consilis stolide ferox, in periculis timidus erat ; et primus in fuga, postremus in proelio semper visus est. Vana superbia inflatus, non solum hominibus, sed etiam ipsi rerum naturae, velut dominus, imperare voluit. Montem Athon effosum ingenti labore mari aperuit, et pervium fecit suis navibus. Trajecturus copias ex Asia in Europam, injecerat super Hellespontum pontem ratibus impositum. Pons vero tempestate quassatus fuit, et fluctibus dissolutus. Rex amens ira, trecentos flagellorum ictus mari infligi jussit, et compedes dari.

In libro Biblico Estheris Xerxes nominatur Hebraice "Ahashverosh", quod Latine in translatione Vulgata sonat Assuerus.

Pinacotheca

recensere

Nexus interni

Nexus externi

recensere
  Vicimedia Communia plura habent quae ad Xerxen I spectant.
  Lexica biographica:  • Большая российская энциклопедия • Gran Enciclopèdia Catalana • Deutsche Biographie • Store norske leksikon

  Haec pagina textum incorporat ex Henrici Lantoine Epitome Historiae Graecae (1892).


Antecessor:
Darius I Magnus
Rex Persarum
486-465
Successor:
Artaxerxes I Longimanus