Universitas Salisburgensis

Universitas Salisburgensis sive Alma Mater Paridiana (olim etiam: Alma Mater Benedictina Salisburgensis) est antiquissima et maxima Universitas publica Salisburgi. Anno 1622 a Paride Comite de Lodron condita est, annis 1810-1962 suppressa, anno 1962 redintegrata est.

Infra aedificium artium liberalium in urbe vetere; supra videtur castrum

Universitas Paridiana, quam ex anno 2019 regit Henricus Lehnert, in quattuor facultates tralaticias divisa est: Theologia Catholica, Iurisprudentia, scientiae culturales sive sociales et scientiae naturales. Plus quam 15 000 studiosi et 1 600 administri et socii in studio, disciplina et administratione universitatem maximam institutionem eruditioni deditam in urbe civitateque Salisburgensi efficiunt. Pars feminarum inter studentes est 62 %, pars peregrinorum 26 % (inter quos plus quam dimidia pars sunt Germani). . Sumptus universitatis annuus est 112,8 Mio €

Historia

Sigillum universitatis, ad domum capituli

• Die 23 Iulii 1622 Albertus III Keuslin primus Rector Magnificus Almae Matris Benedictinae Salisburgensis nominatus est.
• Die 5 Octobris eiusdem anni Gymnasium Benedictinum ab imperatore Ferdinandus II in Universitatem evectum est.
• Die 8 Octobris 1622 Universitas studiorum a fundatore, archiepiscopo Salisburgensi Paride Comite de Lodron sollemniter inaugurata est.

Tum monasteria Salisburgensia, Helvetica, Germanica (meridiana) et Austriaca ordinis Sancti Benedicti exaedificationem sumptumque Universitatis susceperunt.

• Anno 1810 Universitas dissoluta est, ubi Salisburgum Bavariae coniungitur. Huius loco Lyceum theologicum-philosophicum erigitur. Tandem anno 1850 sectio theologica denuo in facultatem universitariam evecta est (ab anno 1816 Salisburgum rursus ad Austriam pertinet), Lyzeum dissolvitur.
• Anno 1962 Universitas redintegrata est, primo facultates theologicas et philosophicas, postea etiam aliae facultates.

Nexus externus

Vicimedia Communia plura habent quae ad Universitatem Salisburgensem spectant.

• Pagina domestica Universitatis Salisburgensis
• auxilium studiosorum reciprocum