Thaïs (meretrix Atheniensis)

Vide etiam paginam discretivam: Thais.

Thaïs (Graece Θαΐς) fuit meretrix Atheniensis saeculi IV a.C.n., expeditionis Alexandri Magni particeps et amasia huius Ptolemaei qui postea rex Aegypti factus est. Anno 331/330 a.C.n., Alexandro cum amicis iuxta Persepolin cenante Thaïs comissationem suasit ut incendium in palatium regum Persarum miserint. Alexandro mortuo Ptolemaeum Thaïn in matrimonium duxisse adseverat Athenaeus et ex ea filios duos filiamque genuisse, Leontiscum, Lagum et Irenam.

Thaïs taedifera ab Iosua Reynolds anno 1781 ficta

Idem nomen habuit meretrix ficticia e ludo scaenico Terentiano cuius titulus est Eunuchus; idem et meretrix Aegyptia historica quae religionem Christianam accepit. Thais Atheniensis in litteris posterioribus reperitur, per exemplum in libris de Alexandro Magno Fire from Heaven et The Persian Boy a Maria Renault scriptis. Est protagonista mythistoriae Таис Афинская ("Thais Atheniensis") anno 1972 Russice ab Ioanne Efremov composita.

Fontes

• Clitarchus, Historiae Alexandri apud Athenaei Deipnosophistas 576d
• Diodorus Siculus, Bibliotheca historica 17.72
• Plutarchus, "Vita Alexandri" 38
• Q. Curtius Rufus, Historiae 5.7
• Athenaeus, Deipnosophistae 576e

Nexus interni

• 1236 Thaïs

Nexus externi

Vicimedia Communia plura habent quae ad Thaida spectant.

• "Thais" apud Egyptian Royal Genealogy
• De incendio Persepolitano apud "LacusCurtius"

Bibliographia

• "Thaïs" in Encyclopaedia Britannica. 11a ed. (Sicagi, 1911) html djvu
• Helmut Berve, Das Alexanderreich auf prosopographischer Grundlage (Monaci: Beck, 1926) i.359 (vol. 2 p. 175)