Taufkirchen (in circulo Mühldorf ad Aenum)

Taufkirchen est vicus et commune in circulo Bavarico Mühldorf ad Aenum ad finem meridianum circuli Trunensis. Ex anno 1978 pars societatis administrationis Chrayburgae ad Aenum est.

Insigne communis Taufkirchen.

Geographia

Taufkirchen in terra Bavarica ante Alpes situm est atque circiter 16 km a circuli capite Mühldorf, 23 km ab Ottinga Vetere et 10 km a Waldkraiburg longinquum est.

Commune constat ex 81 vicis solitudinibusque. Ante regionis reformationem Taufkirchen hodierna dividebat in communia Taufkirchen et Zeiling.

Vicinum commune est septentrionale Chrayburga ad Aenum, orientale Oberneukirchen. Meridiana sunt Engelsberg, Peterskirchen (commune Tahardinga) et Waldhausen (commune Schnaitsee), vicus occidentalis est Grünthal (commune Unterreit).

Res gestae

Vicus Taufkirchen, quondam nomine „Taufkirchen ante silvam“ plerumque saeculo decimo frequentatum est, fortasse iam saeculo sexto a Baiuvariis immigratis.

Locus parochialis Taufkirchen primum anno 1068 tabula commemoratus est. Adlwinus parochus Taufkirchensis primus notus est. Fundus parochialis erat in solitudine Laferinga. Ad parochiam pertinuerunt ecclesiae Pietenberg et Pettenham et Sonham et Chrayburga expositura.  

Comites Taufkirchenses ac Gallenbachenses

Comites posteriores Taufkirchenenses ac Gallenbachenses, qui domicilium ex saeculo decimo in Gallenbach habuerunt et circiter anno 1300 in Guttenburg venerunt, initio ministeriales comitis Chrayburgensis fuerunt. Taberna hodierna in Gallenbach sita sedes ministerialium, parva regia numquam continuo habitata in colle locus periculum refugiendi fuit. Usque ad annum 1824 regia Guttenburg obtentum est a comitibus Taufkirchensibus. Anno 1640 gens Taufkirchen et Gallenbach facta est baronalis, anno 1684 comitialis.

Ecclesia parochialis Sancti Iacobi Maioris Taufkirchensis

Saecula XVIII et XIX

• 1808: Zeiling commune conditum
• 1876: Chrayburga ordinariatu parochia libera facta
• 1884: Vigilium voluntariorum Taufkirchen et Zeiling fundatum
• 1894: Fundus parochialis a Lafering in vicum Matthias Seeanner parocho mutatione motus est.

Saecula XX et XXI

Post secundum bellum mundanum multi expulsi recipendi erant. Anno 1948 fuerunt in Taufkirchen 258 homines, qui proximos annos imprimis in oppidum industriosum novum conditum Waldkraiburg emigraverunt.

• 1954: Fines novi aedificandi nomine Theodisca Sportplatzstraße facti sunt.
• 1966: Fines novi aedificandi nomine Theodisca Am Wirtsberg
• 1970: Zeiling commune voluntarie ad Taufkirchen commune additum est.
• 1972: Parochia Taufkirchen post 900 annos liberos unioni parochiali Chrayburgae inserta est.
• 1972: Fines novi aedificandi nomine Am Ederberg
• 1978: Taufkirchen pars societatis administrationis Chrayburgae ad Aenum factum est.
• 1979: Fines novi aedificandi Nemerberg
• 1984: Fines novi aedificandi Hötzlstraße
• 1993: Fines novi aedificandi Gallenbachstraße

• 1995: Fines novi aedificandi Am Anger et Ziererwiese

• 2003: Fines novi aedificandi in vico Weiß

Res publica

Alphonsus Mittermaier (UWG) est ex anno 2020 princeps civium Taufkirchensium.

Pristini principes civium:

• Iacobus Bichlmaier (ad 2020)
• Ioannes Oberpaul

Ex electione anno 2020 concilium communale, quod ex duodecim sedes constat, ita componit:

• FTL: 6 sedes
• UWG: 6 sedes

Cultus et res visendae

Ecclesia succursalis in Pietenberg

Aedificia

• Ecclesia parochialis Sancti Iacobi Maioris in Taufkirchen
• ecclesia peregrinationis Assumptionis Beatae Mariae Virginis in Pietenberg ex saeculo XV.

Festa

• Georgii equitatio in Sonham secundo quoque anno
• Occursus autobirotariorum anniversarius (Theodisce Bikertreffen)
• Occursus vehicula vetera anniversarius (Theodisce Oldtimer-Treffen)

Bibliographia

• Quidam situs interretialis.

Communia circuli Muhldorpiensis