Aperire sectionem principem
Varus victus

Publius Quinctilius Varus (anno 47 vel 46 a.C.n. natus; anno 9 p.C.n. mortuus, vel potius sibi ipsi mortem in proelio dedisse dictus) fuit senator Romanus qui anno 13 a.C.n. consulatum gessit. Hodieque notus est ob cladem quae dominationi Romanae inter flumina Rhenum et Albim sempiternum finem imposuit.

De genteRecensere

Pater eius Sextus Quinctilius fuit. Ipse quaestor Augusti anno 23 a.C.n. principem in orientem sequebatur. Anno 13 a.C.n. consul ordinarius cum Tiberio fuit. Uxorem primam filiam Agrippae, secundis nuptiis Claudiam Pulchram duxit et filium Quinctilium Varum ex Pulchra genuit[1].

De cursu honorumRecensere

  • 8/7 proconsul Africae erat, postea ab anno 6 a.C.n. legatus Augusti pro praetore Syriae[2] erat. Ibi Herodi regi adsedit in iudicio filii et tum successoris designati Antipatri qui insidiarum adversus patrem convictus est atque de ea re ad Augustum rettulit[3]. Rege anno 4 a.C.n. mortuo successioni ex mandatis Augusti consuluit[4] et magnam seditionem Iudaeorum per totam Palaestinam odio Herodis late flagrantem oppressit. Tum atrociter saeviit : nam duo milia hominum crucibus adfixit[5]
  • Ab anno 6 vel 7 legatus Augusti in Germania fuit. Agros ultra Rhenum a Romanis bellis adversus Germanos partos mense septembri anni 9 amisit, cum ab Arminio Cherusco in Teutoburgiensi saltu superatus est. Caesar Augustus, nuntio cladis Varianae Romam adlato, "Quintili Vare, legiones redde!"[6] exclamavisse dicitur.

Filium Quinctilium Varum ex Pulchra habuit[7].

FontesRecensere

NotaeRecensere

  1. Der Neue Pauly, Stuttgardiae 1999, vol. 10, c. 702-704
  2. Nicolaus Damascenus, de Vita sua fragmentum 136(6).
  3. Flavius Iosephus, Bell. Iud. I.617-639. Ant. Iud. XVII.93-133
  4. Ant. Iud. XVII.303
  5. Flavius Iosephus, Bell. Iud. II.39-79. Ant. Iud. XVII.250-253 et 286-299
  6. Suetonius, "Divus Augustus" 23.2
  7. Der Neue Pauly, Stuttgardiae 1999, vol. 10, c. 702-704

Nexus externiRecensere