Pontius Pilatus

Pontius Pilatus fuit eques Romanus, hodie notissimus quia, Tiberio imperatore, ab anno 26 usque ad annum 36 Iudaeae fuit praefectus et iudex qui Iesum Nazarenum supplicio crucis damnavit.

Pontius Pilatus de Iesu quaerit secundum Evangelium secundum Ioannem: Quid est veritas? Nicolaus Nicolai filius Ge anno 1890 pinxit.

Quid egerit praefectus

A Tiberio imperatore designatus anno 26 Valerio Grato in Iudaeae praefectura successit. Iudaeos spreta eorum religione varie offendit ː nam cohortes et signa hermam Augusti praeferentia Hierosolyma, sanctam in urbem, unde imagines omnium animantium ex legibus patriis prohibendae erant, introducere voluit. Rogantes Iudaeos ut amoverentur primum per milites opprimere voluit, deinde cum mori non recusarent, constantiam animi miratus mutavit sententiam. Mox ad aquae ductum aedificandum sacram pecuniam Templi impendit. Indignantibus Iudaeis seditiones et neces fuerunt.

In Samaritanos quoque religiosis motibus turbatos saeviit et multos homines per equites suos occidit. Qui ad Vitellium, tum legatum Syriae, questum ire properaverunt. Et Vitellius Pilatum Romam redire iussit, coram ipso imperatore sese ut criminibus purgaret (quo ipso tempore Romae Caligula Tiberio successit). In eius locum legatus Marcellus a Vitellio designatus est. Nec quicquam amplius de eo accepimus...

Fontes

Haec inscriptio Caesaereae reperta et Pontium Pilatum nominans ostendit verum titulum Pilati 'praefectum' fuisse, non procuratorem, ut credebatur ex fontibus litterarum.

• Flavius Iosephus, libro secundo de Bello Iudaico 169-177
  • libro octavo decimo Antiquitatum Iudaicarum 55-90
• Philo, Legatio ad Gaium 299-305
• Tacitus, Annales 6.50-51
• Evangelia

Mythistorica

• Evangelium Nicodemi sive Acta Pilati
• Cura sanitatis Tiberii
• Vindicta Salvatoris
• Mors Pilati

Plura legere si cupis

• Helena Bond, Pontius Pilate in history and interpretation, Cambridge University Press, 1998 Recensio critica Apud Guglum librorum (nonnullae paginae)
• Michel Dubuisson, 'Le "procurateur" de Judée, Revue belge de Philologie et d'Histoire 1999(77) ː 131-136
• Mireille Hadas-Lebel, Rome, la Judée et les Juifs, Parisiis, A. & J. Picard, 2009.
• Harold Hoehner, "Why Did Pilate Hand Jesus Over to Antipas?". In Ernst Bammel. The Trial of Jesus, 1970 ː 84-90
• Carolus Kraeling, "The Episode of the Roman Standards at Jerusalem", The Harvard Theological Review, 1942(35) ː 236-289
• Gilbert Labbe, 'Ponce Pilate et la munificence de Tibère. L'inscription de Césarée', Revue des Études Anciennes 1991(93) ː 277-297
• Ioannes Petrus Lemonon, Pilate et le gouvernement de la Judée : textes et monuments, Parisiis, J. Gabalda, 1981 Recensio critica
  • Ponce Pilate, Éd. ouvrières, 2007 Recensio critica Apud Guglum librorum
• E. Maria Smallwood, The Jews under Roman rule : from Pompey to Diocletian. Lugduni Batavorum : E.J. Brill, 1976 ISBN 90-04-04491-4
  • 'The Date of the Dismissal of Pontius Pilate from Judea', The Journal of Jewish Studies 1954 ː 12-21.

Nexus externi

Vicimedia Communia plura habent quae ad Pontium Pilatum spectant.

Vicicitatio habet citationes quae ad Pontium Pilatum spectant.

• De Pilato in Lexico Bibliographico et Biographico Ecclesiae (Germanice)
• Christof Dahm, "PILATUS, Pontius" in Biographisch-Bibliographisches Kirchenlexikon  vol. 7 (Herzberg, 1994. ISBN 3-88309-048-4) , columnae 613–616 (Theodisce)
• Le Monde de la Bible a I.P. Lemonon, M. Sartre et aliis^{[nexus deficit]}
• De nummis procuratorum Iudaeae apud Jewish virtual library

Haec stipula ad biographiam spectat. Amplifica, si potes!

Haec stipula ad historiam spectat. Amplifica, si potes!