Planities montana Iano-Oimiakonica
Planities montana Iano-Oimiakonica[1] est planities montana Siberiae boreorientalis in confinio Iacutiae, regionis Magadanensis et territorii Fortuniani Russiae sita. Cacumina usque ad 2000 m altitudinis habet.
Occidentem versus montibus Verchoianensibus et Suntar Chaiata, orientem versus iugo Czerskii adiacet (cuius pars esse interdum putatur). Pars planitiei Ianae fluxui medio proxima (ubi et Verchoiansk, Urbs Ianae Superioris, sita est) interdum ut planities elata Ianensis et pars circa Oimiakonem urbem ut planities elevata Oimiakonica[2] describuntur. Indigirca in fluxu superiore per planitiem montanam Iano-Oimiakonicam transit.
Taiga laricina planitiem operit, quae locis altioribus in tundram montanam mutatur. Declivia australia iam steppam attingunt.
Notae recensere
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Яно-Оймяконское нагорье.
- ↑ Op. cit. s.v. Оймяконское плоскогорье.
Nexus externi recensere
|
Situs geographici et historici: Locus: 63°39′0″N 143°19′0″E • GeoNames |