Suntar Chaiata
Suntar Chaiata[1] (Russice Сунтар-Хаята, Iacutice Сунтаар Хайата, i.e. Montes Suntaris[2]) sunt montes in Iacutia et in territorio Fortuniano Russiae. Planities montana Iano-Oimiakonica ab oriente, planities montana Kolymensis ab oriente et septentrio-oriente et iugum Iudomense (ubi Iudoma fluvius incipit) a meridie ad Suntar Chaiata adiacent. Mus Chaia mοns iugi altissimus (2959 m) est. Beryllium mons secunda ab altissima iugi et altissima territorii Fortuniani est (2933 m).
Granitis et saxis effusivis montium plures compositi sunt. Taiga laricina rara et tundra montana glaciraiaque permulta montes operiunt. Sunt in Suntar Haiata glaciaria genere taryn: cum aqua fluviorum vel tellurica et desuper glacie superna et subter congelatione aeterna simul crescentibus premitur, in superficiem enititur et super glacie prima diffundens iterum congelatur et glaciarium secundarium format, quod taryn Iacutice nominatur.
Suntar Chaiata est divortium aquarum trinum vel quaternum; nam accolae Aldani ibi oriuntur, et Kolymae fontes in his montibus sunt, et Indigircae, et in mare Ochotense aliquot flumina vertunt, sicut Ochota.
Notae recensere
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Сунтар Хаята.
- ↑ Ubi "Suntar" est nomen proprium feminae samanae fabulosae.
Nexus externi recensere
|
Situs geographici et historici: Locus: 62°36′0″N 140°53′0″E, 62°1′5″N 143°23′43″E • GeoNames • Большая российская энциклопедия |