Petschora[1] (Russice Печора, Pečora, Komi Печӧра, Nenetice Санэро’’ яха) est flumen in parte septentrionali Russiae Europaeae, in re publica Komi et districtu (circulo) autonomo Nenetico Foederationis Russicae.

Petschora
Petschora in territorio Permico
Longitudo 1809 chm
Altitudo fontis 2050 m
Decursus aquae 4100 (in ostio) /s
Area systematis 322 000 chm²
Fons Urales septentrionales
Ostium Mare Barentsianum
Regio Res publica Komi,
districtus Neneticus

Vide etiam paginam discretivam: Petschora (discretiva)

In montibus Uralibus septentrionalibus incipit; tantum anno 1981 ab expeditione Ioannis Prosvirnin fons inventus est. 1809 chm patet. Per montes primo fluit; partem itineris sui maximam per taigam et per silvas intactas Komienses transit et fluxum inferiorem per tundram facit. In cornua duo, Petschoram Maiorem et Minorem, 130 chm ab ostio dividitur, prope Ripam Albam urbem delta format et in sinum Petschoricum[2] maris Barentsiani effunditur.

Ad Petschoram sitae sunt urbs eiusdem nominis (ad rem publicam Komi pertinens) atque urbs Ripa Alba (sedes administrativa districtus autonomi Nenetici). Pustoosero ad Petschoram situm erat. Tributarii Petschorae Czilma, Ussa, Stzuchogora, Potzscheriema[3] sunt.

Notae recensere

 
Tabula geographica pelvis siccantis Petschorae fluvii

Nexus externi recensere

  Vicimedia Communia plura habent quae ad Petschoram spectant.
  Situs geographici et historici: Locus: 62°12′6″N 59°25′55″E, 68°18′27″N 54°25′0″E • OpenStreetMap • GeoNames • Store norske Lexikon • Большая российская энциклопедия