Pelusium

Pelusium (Graece Πηλούσιον) fuit urbs Aegyptia antiqua non procul a mari Mediterraneo (circiter 4 km) posita in Delta Nili prope rami orientalis ostium quod ob id ipsum Pelusiacum dicebant ; ita ex regione harenosa et avia velut ianua orientalis Aegypti a Palaestina erat quia ob angustias inter Arabicum sinum et mare nostrum factas hostes inde facilius ab introitu prohiberi poterant. Qua de causa in historiis multa proelia memorantur ab eis qui Aegyptum vi intrare conabantur ibi commissa.

Delta Nili et Pelusium

Antiquitate posteriore, Pelusium fuit urbs prima quae inguinale plaga patitur.

De nomine

Nomen Graecum Pelusium ob circumiacentes paludes e vocabulo πηλός (lutum) ductum est. Nomen Aegyptiacum huius oppidi Peremun fuerat , hoc est "quod effecit Amon" atque fortasse phonetice ad nomen Graecum contulit. Fuit tamen postea alia etymologia a nonnullis auctoribus proposita, ad patrem Achillis Peleum nomen referens.

Fontes

• Herodotus, Euterpe 15, 17, 141
• Strabo, Geographica libro decimo septimo capite primo 21

Plura legere si cupis

• Jean-Yves Carrez-Maratray, "« Pelusium robur Aegypti » de l'état des sources à l'état des lieux", Bulletin de l'Association Guillaume Budé, 1995ː 140-151

Nexus externi

Vicimedia Communia plura habent quae ad Pelusium spectant.