Panulirus argus

Panulirus argus est species decapodum familiae Palinuridarum. Prope litora Atlantica occidentalia (inter Carolinam septentrionalem Brasiliamque) et in mari Caribaeo habitat. Larvae inter radices Rhizophorae plantasque aquaticas Thalassiae testudinum necnon algas Laurenciae spp., Neogoniolithonis spp. morantur. Adulti molluscis et detritis pascuntur. Saepius ad mensuram 20 cm, multo rarius ad 60 cm crescunt. Autumno longis agminibus migrare solent.

---

Animalia — Arthropoda

Subphylum : Crustacea 
Classis : Malacostraca 
Ordo : Decapoda 
Subordo : Pleocyemata 
Infraordo : Palinura 
Familia : Palinuridae 
Genus : Panulirus 
Species : P. argus 

Panulirus argus 
Latreille, 1804  

Conservationis status

DD

Haec species propter carnem deliciosam a piscatoribus captatur omnium fere civitatum illis litoribus adiacentium, sed praecipue Cubae, Brasiliae, Bahamarum insularum, Civitatum Foederatarum meridianarum, Honduriae.

Bibliographia

Gastronomia Novae Aureliae: Lobster crêpe ("crispa e panuliro argo"), granis maizii inspersis, in popina Novae Aureliae in urbe Ludovicianae inferta

• Arthur R. Bos, S. Clark, S. Gore, "Preliminary observations on habitat use of juvenile Caribbean spiny lobster (Panulirus argus) in South Caicos, Turks & Caicos Islands" in Proceedings of the Gulf and Caribbean Fisheries Institute vol. 54 (2003) pp. 230-240
• René J. Buesa, "Hurricanes and the Caribbean Spiny Lobster (Panulirus argus) Fisheries" in Proceedings of the Gulf and Caribbean Fisheries Institute vol. 64 (2011)
• Alejandro Herrera Moreno, Liliana Betancourt Fernández, Investigaciones ecológico-pesqueras de la langosta Panulirus argus en la plataforma dominicana. Santo Domingo, 2003 Textus
• Lipke B. Holthuis, Marine Lobsters of the World (FAO, 1991) pp. 133-134
• J. L. Munro, Caribbean Coral Reef Fishery Resources (WorldFish, 1983) (pp. 207-218 apud Google Books)

Nexus externi

Vicimedia Communia plura habent quae ad Panulirus argus spectant.

Vide "Panulirus argus" apud Vicispecies.