Mons Iovis (Naxos)

Mons Iovis
1003 m

Situs in Graecia

Mons Iovis (Neograece Ζά sive publice Ζεύς; aevo antiquo ut videtur Δρίος, Drius) est mons insulae Naxi et omnium Cycladum altissimus. Ex inscriptione Graeca ad occidentalia montis latera repertá satis constat sanctuarium ibi temporibus classicis fuisse deo Iove Melosio sacrum. A cacumine et sanctuario haud longe distat Caverna Zae sive Iovis, locus habitationis neolithici.

Nomen Latinum recentius "Mons Iovis Melosii" a marchione de Nointel aut attributum aut confirmatum est, qui die 24 Novembris 1673 montem conscendit inscriptionemque rupestrem iuxta fastigium exarare curavit:

EX HOC VERTIGE MONTIS IOVIS MELOSII MARIS AEGAEI CIRCUMIACTAS INSULAS LX NUMERABAT CAR. FRANC. OLIER MARQUIS DE NOINTEL IMP. GALL. LEGATUS XIV NOV. MDCLXXIII

Bibliographia

• Eugene Vanderpool, "The Marquis de Nointel in Naxos, A. D. 1673" in Hesperia vol. 46 (1977) pp. 257-258 JSTOR

Nexus externi

• "Mount Zeus, Greece". apud Peakbagger.com 

De hac re nexus intervici usque adhuc absunt. Adde, si reppereris.