Memnon (heros)
Memnon (Graece Μέμνων) in mythologia Graeca fuit Aethiopum rex, Aurorae et Tithoni Troiani filius, qui Troiae auxilio venit, cum iam ultimus belli Troani annus esset Hectorque iam cecidisset; de hoc Aethiopis poema cyclicum ab Arctino Milesio compositum narrabat. Multos Achivos et Antilochum Nestoris filium occiderat et ipse a Achille occisus est, quamvis arma Memnonis, sicut et Achillis, matris rogatu Vulcanus ipse fecerat. Aurora nimium lugente Iuppiter Memnoni vitam reddidit.
Vide etiam paginam discretivam: Memnon (discretiva).