Libri Regum
| Nebiim (prophetae) in Thanach | |
|---|---|
| prophetae priores | |
| ספר יהושע | Liber Iosue |
| ספר שופטים | Liber Iudicum |
| ספר שמואל | Libri Samuelis |
| ספר מלכים" | Libri Regum |
| prophetae posteriores | |
| יְשַׁעְיָהוּ | Liber Isaiae |
| יִרְמְיָהוּ | Liber Ieremiae |
| יְחֶזְקֵאל | Liber Ezechielis |
| תרי עשׂר | Duodecim prophetae |
Libri Regum Iudaeorum sunt opus nobis in duabus partibus servatum, in Bibliis hodiernis appellationibus Libro I et II Regum complexum. Hebraice ספר מלכים (sefer melakhim), Graece Γʹ Βασιλειών / Δʹ Βασιλειών nominantur. Nomina Latina hodierna Novae Vulgatae Bibliorum Sacrorum editionem anno 1969 promulgatam sequuntur. Vulgata olim ab Hieronymo facta libros Regum "Liber Malachim id est regum tertius et quartus" appellat.
Opus saeculo fere VI aut V compositum est. Hunc librum interdum (ut videtur) citat auctor Librorum Chronicorum: e.g. "Opera autem Asa prima et novissima scripta sunt in libro regum Iudae et Israel;" (II Par. 16.11) "Reliqua autem gestorum Ioatham et omnes pugnae eius et viae scriptae sunt in libro regum Israel et Iudae" (II Par. 27.7; cf. etiam 28.26, 32.32, 35.26-27, 36.8).
Martinus Noth scientificus Libros Regum ultimam Operis Deuteronomici partem esse arbitratur; quem multi alii scientifici sequuntur. Libri argumentis theologicis explanant, quare Regnum Iudae anno 587 a.C.n. a Nabuchodonosore II, rege Chaldaeorum, expugnata sit, et reditum post Captivitatem Babylonicam confirmant.[1] Libri Regum historiam regnorum Israelis septentrionalis et Regni Iudae a morte Davidis regis incipientem usque ad Iechoniam ex Captivitate Babylonica emissum (fere 960 a.C.n. – fere 560 a.C.n.) dant.
ArgumentaRecensere
- 1 Reg 1–2. David Salomonem regem constituit
- 1 Reg 3-11. Salomon rex
- 1 Reg 12–13. Segregatio tribuum septentrionalium
- 1 Reg 14–16. Duo regna usque ad Eliam prophetam
- 1 Reg 17 – 2 Reg 1. Narrationes de Elia propheta
- 2 Reg 2-13. Narrationes de Elisaeo propheta
- 2 Reg 14–17. Duo regna usque ad regnum Samariae excisum
- 2 Reg 18–25. Ultimi Regni Iudae anni
Si plus cognoscere vis, vide Liber I Regum Si plus cognoscere vis, vide Liber II RegumNotaeRecensere
- ↑ Sweeney, Marvin (2007). I & II Kings: A Commentary. Westminster John Knox Press. ISBN 978-0-664-22084-6, p. 1.
BibliographiaRecensere
- A. T. Olmstead, "The Earliest Book of Kings" in American Journal of Semitic Languages and Literatures vol. 31 (1915) pp. 169-214
|
Haec stipula ad litteras spectat. Amplifica, si potes! |