Lacus Albertus (Africa)

Vide etiam paginam discretivam: Lacus Albertus (discretiva).

Lacus Albertus, olim Lacus Mwitanzige et Lacus Mobutu Sese Seko, est lacus in Uganda et Republica Democratica Congensi situs, septimus a maximo lacu Africano et secundus a maximo Magnorum Lacuum in Uganda.

Despectus ex satellite in Lacum Albertum. Linea cana et punctata est finis Reipublicae Democraticae Congensis (laeva) et Ugandae (dextra).

Geographia

Lacus Albertus in media continente Africana situs est, in finibus Ugandae et Reipublicae Democraticae Congensis, maxime septentrionalis ex catena lacuum in Chasmate Albertino, occidentali Magni Chasmatis Africae Orientalis parte. Hoc corpus aquae est 160 fere chiliometra longum et 30 fere chiliometra latum, maxima profunditate 51 metra et altitudine superficialis 619 metra supra maris aequor.

Nilus e lacu Victoriae fluens per lacum Albertum transit; lacum influens nomen "Nilum Victoriae" habet et defluens nomen "Nilum Alberti". Montes Lunae ad lacum adiacent.

Pinacotheca

• 
  Samuel Baker eques lacum explorat.
• 
  Flumina et lacus Ugandae
• 
  Navis traiectoria
• 
  Canalis
• 
  Giraffa iuxta lacum

Bibliographia

• Roberts, Andrew. 2006. Ugandas Great Rift Valley. Kampalae: New Vision. ISBN 9970-11-300-3.

Nexus externi

Vicimedia Communia plura habent quae ad Lacum Albertum spectant.

• "Food and Agriculture Organization of the United Nations."
• "Lake Albert." World Lakes Database.
• "East African Railways and Harbours, Marine Services." Photographema navium traiectoriarum, cum SS Robert Coryndon.