Klazma
Klazma[1] vel Clesma[2] (Russice Kljaz'ma) est flumen in parte Europaea Russiae, accola sinistra Occae fluvii. Longitudinis 686 chm est.
 | |
| Longitudo | 686 chm |
|---|---|
| Altitudo fontis | 225 m |
| Decursus aquae | 125 (in Covrovia urbe) m³/s |
| Area systematis | 42 500 chm² |
| Fons | prope Senež lacum |
| Ostium | Occa |
| Regio | regiones Moscuensis et Volodimiriensis Russiae |
Fluxus
recensereIn regione Moscuensi prope Senež lacum oritur et ad orientem fluit; Canalem Moscuae in systemate hydrotechnico, cuius partes receptacula aquae Klazmense et Pirogovense sunt, transit. Confinium administrativum Moscuae urbis (Chimki municipium) et Lacus Longi[3] urbis tangit. In demissionem Meschtschericam exit, ubi Theotocopolis urbs ad Klazmam sita est. In regionem Volodimiriensem intrat, ubi ad Klazmam sitae sunt urbes Galliculi et Volodimiria regionis caput, saepe "Volodimiria ad Klazmam" nominata, et Covrovia necnon ecclesia Omophorii ad Nerl nobilis. Per confinium regionum Volodimiriensis et Analeptrianae fluit, in regionem Volodimiriensem revertit et in confinium cum regione Novogardiensi Inferiore exit, ubi prope ad Gorbatoviam urbem in Occam effunditur.
Notae
recensere- ↑ Acta sanctorum quotquot toto orbe coluntur..., Octobris, vol. XIII, Parisiis 1883, p. 42; Analecta OSBM, vol. 13-15, 1062, p. 10; Litterae Nuntiae Ecclesiae Leopoloitanae, 1971, p. 47.
- ↑ Iohannes Iacobus Hofmannus, Lexicon universale (1698) ~ tomus III., p. 405, tomus IV., p. 696. Et Kliasma, — Norae Zabinkovae et Moysis Kirpicznikov Nomina physico-geographica principalia URSS s.v. Клязьма.
- ↑ Vide: Thomae Aquinatis Summae contra gentiles libri quattuor. Tomus primus, librum continens primum. In linguam Rossicam transtulit adnotationibusque instruxit T. Borodai. Lacus Longus MM.
Nexus externi
recensere
|
Situs geographici et historici: Locus: 56°9′5″N 37°11′58″E, 56°10′5″N 42°58′9″E • GeoNames • Большая российская энциклопедия |
|
Vicimedia Communia plura habent quae ad Klazmam spectant. |