Grapheum centrale UEA

Grapheum centrale UEA (Esperantice: Centra Oficejo de UEA) sedes principalis Universalis Societatis Esperanticae (UEA) est. Ex anno 1955 sita est Roterodami in Nederlandia. Mense Augusto 2021 praesidium nuntiavit bona esse vendenda; Roterodami mansurum esse officium scriptorium parvum tantummodo cum commercialia librorum servitia E@I e Slovacia disponeat. Libros pretiosos in Bibliotheca Nationali Austriaca conservatum iri. Id anno 2022 revera fiet.

Grapheum centrale Esperantistarum Roterodami, anno 2006 photographatum

Historia

Epocha Helvetica usque 1936/1947

Longe Grapheum centrale in Helvetia fuit, cum associatio fundata esset anno 1908 Genavae. Etiam intra Genavam saepe migravit. Annis 1919 et 1920 officiales Bernae munere fungebantur. Postquam membrorum sodalitatumque associatae multitudo anno 1936 transfugerunt ad "Internacia Esperanto-Ligo" (IEL), UEA Genavensis anno 1936 commigravit ad Palatium Wilson (Genavam). Ibi Ioannes Jakob vel post annum 1947 operam dabat (apud Serva Centro), antequam officium eius sisterent anno 1960.

Epocha Britannica annis 1936/1947-1955

IEL anno 1936 exeunte adhuc in officio scriptorio Associationis Esperanticae Britannicae Londinii (in via High Holborn), sed mox in domum dono datam in Heronsgate in septentrione capitis sitam iebatur. Anno 1955 aedes novae quaerebantur intra urbem quoniam ad Heronsgate pervenire multis laboratoribus non tam facile erat. Inquisitione frustra facta in terram aliam ire consensum est. Roterodami in Nederlandia casa optime apta inventa est.

Epocha Nederlandica inde ab anno 1955

Inscriptio prima Roterodami fuit in via Eendrachtsweg 7; infeliciter post emptum annuntiatum est domum esse demoliendam propter restauratoria incepta urbana. Anno 1962 in hodiernam sedem itum est in viam Nieuwe Binnenweg 176. Quae domus anno 1887 constructa est, eodem anno quo et Lingua Esperantica ipsa excogitata erat.

Anno 1986 mutationes architectonicae fiebant ala in hortis addita. Anno 2006 iterum struebatur: e.g. Bibliotheca Hector Hodler e conclavi "Kanado" ad aulam "Zamenhof" in nova ala sitam translata est.

Munera

Grapheum centrale curet administrationem UEA, Bibliothecam Hector Hodler, Secretariatum congressuum constantem (ubi Congressus universales anniversarii parantur), librorum editionem. Ibidem grapheum Associationis iuventutis Esperanticae internationalis (TEJO) est, ubi enthei voluntarii operam dant. Secundum regulas Grapheum centrale ducitur a rectore (Direktoro de la Centra oficejo). Sede vacante munus a rectore UEA (Ĝenerala Direktoro de UEA) ad tempus impletur, quod officium Veronica Poór Hungarica mense Maio 2016 obtinuit. A Kalendis Ianuariis munus istud impleturus est Martinus Schäffer. Diu Roterodami res in grapheo bene disposuerat rector Osmo Buller.

Conclavia

Quattuor in tabulatis conclavia 21 sunt, quae vocantur secundum maecenates suas. Ecce diaetarum nomina singula cum nomine adiutorum institutorumve benefacientium:

• Albert (archivium) – Antonia Albert
• Arabio (TEJO) – Nassif Isaac
• Aŭstralio (conventuale cubiculum) – Aŭstralia Esperanto-Asocio
• Edwin Burg (refectorium) – Jenneke Dunnewold-Ehrmann
• Elfriede Ernst (graphicarum officina) – Elfrida Ernst
• Epstein (administratio generalis) – Felix Epstein
• Frank Netrval (voluntariorum cubiculum) – Frank Netrval
• J. Heetkamp-Senstius (culina) – J. Dunnewold-Ehrmann
• Hideo Shinoda (computatris) – Hideo Shinoda
• Kanado (conventuale cubiculum) – Dorothy M. Henderson
• Llech-Walter (librorum depositorium) – René Llech-Walter
• Minnaja (rectoratus generalis) – familia Minnaja
• Monte Carlo (arca) – coniuges Jos Derks
• Nov-Zelando (cursualibus rebus) – Nov-Zelanda Esperanto-Asocio
• Onisaburo Deguchi (servitium librarium) – Oomoto
• Riichi Kawakami (depositorium) – T. Kawakami-Nielsen
• Salberg (grapheum TEJO) – Erik Salberg
• Simon Saft (archivium) – amicorum coetus Simon Saft
• Stefano la Colla (congressuum munus) – Sforza la Colla
• Svedujo (voluntariis) – Sveda Esperanto-Federacio
• Zamenhof (Bibliotheca Hector Hodler) – G.B.J. Mantingh

Servitium librarium

In Grapheo centrali invenitur servitium librarium Esperanticum maximum in toto orbe terrarum. Circiter sex milia liborum comprehenduntur, venalia prostant, offeruntur. Maxima pars dumtaxat lingua Esperantica scripta est.

Dies ianuarum apertarum

Bis quotannis (mensibus Aprili et Novembri) ianuae omnibus patent. Tunc libri recentius in lucem prolati praesentatur et vilius veneunt. Insuper praelectiones et orationes habentur. Tempore nostro plures homines veniunt quam antea.

Domus voluntariorum

Autumno 2016 acquisita est habitatio cum pluribus cubiculis voluntariis commodanda. Haud procul a Grapheo centrali sita est. Decisio de habitationibus emendis facta est, ut plures voluntarii Roterodamum frequentarent ubi commode vivere possent.

Bibliographia

• Ĉambroj de la Centra Oficejo (in:) Jarlibro 2011, Roterodami 2011, p. 23
• Gbeglo Koffi: La Centra Oficejo de UEA en vortoj, Lomé 2002
• Humphrey Tonkin: Tuj apude. Gvidilo tra la kvartalo de la Centra Oficejo de UEA, Roterodami 2008
• Ziko van Dijk: La Asocio. Skizoj kaj studoj pri la historio de UEA, Antverpiae 2008
• Vizito al la Centra Oficejo de UEA, Roterodami 2006

Nexus externi

Vicimedia Communia plura habent quae ad Grapheum centrale UEA spectant.

• Quomodo grapheum attingi potest
• Grapheum centrale apud WikiMapia
• UEA de pellicula de Grapheo centrali a scaenarum dispositore Petro Baláž confecta
• Vita cotididana in Grapheo centrali; tractatio domni Kjell Heggvold Ullestad