Gota
Gota,[1] vel Villa Gothaha[2] (Theodisce Gotha), est urbs et caput circuli eiusdem nominis in Thuringia sita.
Historia et spectanda recensere
Quando oppidum Gothanum fundatum sit, incompertum est, sed in diplomate regis Caroli Magni quod anno Domini septengentesimo septuagesimo quinto Octobris die vicesimo et quinto Marcoduri actum et datum est "villa Gothaha" primum dicta et fratribus monasterii Hersfeldensis dono data est. Saeculo duodecimo villa Gotha lege Isenacensi oppidum facta est. Ex illo tempore oppidum Gothanum vel serius urbs Gothana appellata est.
Res visu dignae sunt - praeter varia aedificia opere craticio affabre exstructa - complures hac in urbe velut:
- Castellum Friedenstein
- Curia Gothana
- Domus Cranach Gothensis
- Ecclesia Augustinorum (Gota), saec. 13-i/14-i
- Ecclesia Sanctae Margaritae (Gota)
- Ecclesia Sancti Bonifatii (catholica)
- Museum assecurationum Germanicum
- Pyramis Studnitia
- Turris civium Gothensium
Circiter 45 000 incolarum habitant Gotae.
Gotha est etiam nomen abbreviatum seriei librorum. Hoc opus, pleno nomine theodisce „Gothaischer Hof-Kalender zum Nutzen und Vergnügen eingerichtet (latine Gothaicum calendarium aulicum ad usum et voluptatem institutum) Gotae ab anno 1763 editum est, itaque de sede domus editriciae vulgo Gotha dicitur. His in libris res familiarum nobilium in terris Europae regentium enarrantur.
Gothani notabiles recensere
- Adam Weishaupt
- Carolus Ernestus Georges, philologus et scriptor
- Conradus Ekhof, scaenarum moderator
- Eduardus Augustus Regel, botanicus
- Franciscus Xaverius Zach, astronomus
- Fredericus Gulielmus Gotter, scriptor
- Fridericus Myconius, reformator
- Gottfridus Henricus Stölzel, musicus
- Guolphgangus Ipolt, episcopus
- Gustavus Adolphus de Gotter, legatus et iuris peritus
- Gustavus Freytag, historicus
- Henricus Beck, histrio et scriptor
- Ioannes Fridericus Blumenbach, physiologus
- Iosephus Meyer, editor
- Ludovica Dorothea (Saxonia-Mainingia)
- Mutianus Rufus, humanista
Notae recensere
- ↑ Alia nomina Latina: Gothensis, Gata, Gatha, Gothana civitas. Vide Orbem Latinum.
- ↑ Huius nominis prima mentio anno 775 facta est.
Nexus externi recensere
|
Vicimedia Communia plura habent quae ad Gotam spectant. |
|
Lege Γῶτα ("Gota") apud Vicipaediam lingua Graeca antiqua scriptam |