Fridericus Stichtenoth

Res apud Vicidata repertae:

Nativitas: 17 Novembris 1895; Großtöpfer
Obitus: 29 Iulii 1935; Suerinum
Patria: Germania

Fridericus (Theod. Fritz) Stichtenoth (natus 17 Novembris 1895 oppido Großtöpfer (Thuringia), mortuus 29 Iulii 1935 Suerini) vir publicus Theodiscus et sodalis NSDAP fuit.

Iuventus et munus recensere

Stichtenoth Escevegiae et Cassalae gymnasium frequentabat et anno 1914 testimonium maturitatis accepit. Deinde miles conscriptus est atque Bello Orbis Terrarum I interfuit. Anno 1915 a Russis captus est. Bello finito Berolini et Goettingae oeconomiae studebat atque anno 1925 doctor promotus est. Ab anno 1927 pro Foedere Rurali Pomeraniae laboravit.

Cursus honorum recensere

Anno 1932 - 1933 pro factione Nazistarum legatus ad senatum terrae Megalopolis-Streliciae erat et a die 29 Maii 1933 praeses ministrorum huius civitatis erat. Die 31 Decembris 1933 Megalopolis-Strelicia cum Megalopoli-Suerino consociata est. Deinde Stichtenoth magister publicus in administratione novae civitatis Megalopolis laboravit.

Praesides Ministrorum Megalopolis-Streliciae (1918-1933)

	Megalopolis-Streliciae
Petrus Stubmann (DDP) \| Ioannes Krüger (SPD) \| Curtius Baro de Reibnitz (SPD) \| Carolus Schwabe (DNVP) \| Haroldus Ludewig (nullius factionis) et Ericus Cordua (DNVP) \| Curtius Baro de Reibnitz (SPD) \| Henricus de Michael (DNVP) \| Fridericus Stichtenoth (NSDAP) \|