Eucleidas
Eucleidas (natus circa 250 a.C.n., mortuus apud Sellasiam 222 aut 221 a.C.n.) fuit rex Spartae e stirpe Agiadum sed in throno Eurypontidarum positus inter 227 et mortem. Collega in regno fuit Cleomenes III.
Filius erat regis Leonidae II et Cratesiclae, frater Cleomenis III et Chilonidis, Cleombroti II uxoris. Postquam occisis ephoris anno 227 a.C.n. rerum potitus est Cleomenes III fratrem consortem regni fecit. Ita enim speciem dyarchiae et bicipitis regni a Lycurgo olim instituti servabat. Re vera tamen numquam antea ambo reges ex eadem gente fuerant ː aperte contemnebatur igitur antiquus Lacedaemoniorum mos[1] et tyrannis instituebatur. Archidamus V e gente Eurypontidarum qui regnare debuit simul atque Spartam rediit paulo ante occisus erat, incertum utrum iussu Cleomenis an invito Cleomene[2].
Pugna inter Macedones et Achaeos ex una parte et Lacedaemonios ex altera ad Sellasiam commissa cornu cui praeerat Euclidas ab hostibus fusum est et ipse interfectus. Rerum gestarum scriptor Polybius[3] culpam huius cladis, quae regno duorum fratrum finem imposuit et Spartam inermem Macedonibus tradidit, in Euclidan reiciebat qui rei militaris parum peritus fuisse videtur.
Notae
recensere- ↑ Plutarchus 11.5
- ↑ Plutarchus V.2.4 ː invito Cleomene testante Phylarcho. Contra Polybius V.37.5.
- ↑ II.68.3-10.
Fontes
recensere- Pausanias libro secundo Descriptionis Graeciae 9.1 et 9.3
- Plutarchus, "Cleomenes" in Vitis Parallelis 11.5 et 28
- Polybius, libro secundo Historiarum 65.8 et 68.3-10.
Plura legere si cupis
recensere- ̈Thomas W. Africa, Phylarchus and the Spartan revolution, University of California press, 1961 Recensio critica Altera recensio critica Alia recensio critica
- ̈U. Bernini, "Archidamo e Cleomene III. Politica interna ed estera a Sparta (241-227 a.C.)," Athenaeum 1982'60) ː 205-223.
- ̈ Paul Cartledge et Anthony Spawforth, Hellenistic and Roman Sparta : a tale of two cities, Routledge 2002
- ̈Paulus Cloché, "Remarques sur les règnes d'Agis IV et de Cléomène III", Revue des Études Grecques 1943 ː 53-71
- Edmundus Levy, Sparte histoire politique et sociale jusqu'à la conquête romaine, Parisiis, 2003
- ̈Franciscus Ollier, "Le philosophe stoïcien Sphairos et l'œuvre réformatrice des rois de Sparte Agis IV et Cleomène III ", Revue des Études Grecques 1936 ː 536-570
- ̈ Francesco Pozzi, "Le riforme economico-sociali e le mire tiranniche di Agide IV e Cleomene III, re di Sparta", Aevum, 1968(42,5/6) ː 383-402.
- ̈Benjamin Shimron, Late Sparta : the Spartan revolution, 243-146 B.C., Arethusa, 1972