Cyriacus Kondratovič

Cyriacus Andreae filius Kondratovič (Russice Кирьяк Андреевич Кондратович), anno 1703 Achyri prope ad Sumas, ut videtur, natus, et anno 1788 Petropoli mortuus, fuit Ucraina^?, lexicographus et interpres, qui vixit et functus est in Imperio Russico.

Vita et opera

In Academia Kiioviensi educatus, in seminario Pereaslaviae Resaniensis docebat, Theophani Procopowicz et Basilio Tatiščev versionibus librorum Latinorum iuvabat. A Procopowicz Catharinopolim missus est; etiam philosophus aulicus (nonne ioculator?) aliquot annos fuit. Petropolim migravit et Academiae Scientiarum lexicon Russicum componebat. Versiones multas fecit:

Ovidii elegias nonnullas
Ciceronis orationes XII
Rerum Moscoviticarum Commentarios Sigismundi de Herberstein
multos libros de historia Russica ab Amadeo Siegfriedo Bayer^(ru)^[1] Latine compositos

necnon alia Russice vertit.

Annos ab 1758 ad 1759 Iliadem et post annum 1760 Odysseam oratione soluta de lingua Latina vertit. Editione Ioannis Spondani^[2] utebatur. Haec Homeri versio Russica prima fuit. Adhuc inedita, quamquam non perdita est^[3].

Lexicon Polono-Russicum et lexicon Russicum botanicum et mineralogicum composuit. Epigrammata et odas et carmina alia propria permulta componebat.

Notae

↑ Quem Theophilum Siegefrum Baeer nominabat.
↑ Homeri quae extant omnia Ilias, Odyssea, Batrachomyomachia, Hymni, Poemata aliquot cum Latina versione J. Spondani Maulconensis... Basileae, 1583.
↑ Егунов А.Н. Гомер в русских переводах. Мoscuae et Leninopoli, 1964. С. 41—47.

Nexus externi

De Kondratovič in Lexico biographico Russiae

[1] Quem Theophilum Siegefrum Baeer nominabat.

[2] Homeri quae extant omnia Ilias, Odyssea, Batrachomyomachia, Hymni, Poemata aliquot cum Latina versione J. Spondani Maulconensis... Basileae, 1583.

[3] Егунов А.Н. Гомер в русских переводах. Мoscuae et Leninopoli, 1964. С. 41—47.

[1]

[2]

[3]