Cabillonum

Cabillonum^[1]^[2] (Francogallice: Chalon-sur-Saône) est urbs Franciae 44 847 incolarum (anno 2011) in regione Burgundia. Quamvis maxima urbs praefecturae Araris Ligerisque, Cabillonum non est sedes administrativa. Post Divionem numero incolarum est secunda urbs Burgundiae regionis.

Situs et oeconomia

Cabillonum ad ripam Araris, ubi et Canalis Centralis incipit, situm mercatus regionalis portusque frumentis et vinis navi imponendis est. Ibi enim vinum Cabillonense venundatur.

Historia

Despectus in urbem Cabillonum hieme

Cabillonum circiter 300 a.C.n. conditum caput Haeduorum et ab saeculo quinto medio sedes episcopalis erat. Illo tempore locus sub dicionem Burgundicam venit, anno 534 Francorum. Rex Guntram I Cabillonum caput partis Burgundiae fecit, quo facto inter primores urbes Galliae numerabatur, ubi synodi magni momenti locum habebant. Anno 1237 Ducatui Burgundiae, anno 1477 Franciae dominio regali adiunctum est. Sedes episcopalis anno 1801 supressa est.

Photographia

Cabillonum ut locus natalis photographiae (sive Heliographiae) notum est. In museo ad Quai des Messageries plus duobus vicies centena milia imaginum necnon multa instrumenta historiam photographiae demonstrantia servantur.

Incolae notabiles

Josephus Nicephorus Nièpce: Inter inventores photographiae numeratur
Rachida Dati, anno 1965 nata: ministra iustitiae in regimine Francisci Fillon, ministra culturae primo ministro Gabriele Attal, iuventutem suam Cabilloni egit.

Notae

↑ Nomina antiquitus reperta haec suntː Cavillonum (Caesar de Bello Gallico VII.52.5). Cabillo,-onis (Ammianus Marcellinus XIV.10.3 et XXVII.1.2). Cabillunum (Codex Theodosianus IX.40.2). Castrum Cabillonense (Notitia Galliarum).
↑ Cabalaunum, Caballinum, Cabillonum, Cabellio, Cabillo. Cf. J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3. Adi. Cabil(l)onensis, Cavil(l)onensis. Cf. Regnum Francorum Online^{[nexus deficit]}