Cavalcans dei Cavalcanti
Cavalcans[1] dei Cavalcanti, vulgo Cavalcante dei Cavalcanti vel de' Cavalcanti (natus Florentiae anno 1220 circa atque mortuus ibidem anno 1280 circa), fuit philosophus epicureus Italicus qui in Medio aevo tardo vixit. Pater poëtae Guidonis Cavalcantis[1] fuit.
E familia guelpha Cavalcanti(d) ortus, Cavalcans omnia ad rationem revocabat atque de immortalitate animae, putans solam rerum naturam eam esse materiei ex atomis factae, dubitabat. In canto X Infernorum, scriptor poëtaque Dantes Alagherius in eum incidit apud civitatem Ditem(d), ubi haeretici at epicurei sepulcris candentis puniuntur: Cavalcans dei Cavalcanti in sepulcrum contiguum Farinatae de Ubertis(d) (cuius filia Beatrix, vulgo Bice, Guidonem Cavalcantem nupserat) retentus erat. Haereticus Dantem agnoscit atque nuntia filii Guidonis ei quaerit. Dantes respondit: "Non per me haec regna subivi; / est mihi dux, illic qui praestolatur, et ille est, / cujus fors vester despexit carmina Guidus."[2] At perfectum narrativum "despexit" in verbis Alagherii Cavalcantem quatit: "Heu, quid ais, vester despexit? An ille superstes / non est? Illi oculos non icit amabile lucem?"[2] Poëta Florentinus eum non respondit (Guido Cavalcans mortuus est anno 1300, mense Augusti, sed Dantes Infernum visitat mense Martii vel Aprilis) et Cavalcans, omni spe deiecta, in sepulcro recidit.
Notae
recensere- ↑ 1.0 1.1 De nomina vide Alagherius, Dantes (1888). Talice Da Ricaldone, Stephanus. ed. La Commedia di Dante Alighieri. Mediolani: Ulricus Hoepli. p. 147.
- ↑ 2.0 2.1 Dalla Piazza, Caietanus (1848). Dantis Alligherii Divina comoedia hexametris latinis reddita. Lipsiae: Ioannes Ambr. Barth. p. 38-39
Bibliographia
recensere- Bosco, Umberto et Reggio, Giovanni, La Divina Commedia - Inferno, Le Monnier, 1988.
- Sermonti, Vittorio, Inferno, Rizzoli, 2001.
Nexus externus
recensere
|
Vicimedia Communia plura habent quae ad Cavalcantem dei Cavalcanti spectant. |