Branscum

Branscum^[1] (Russice Брянск, tr. Brjansk) est urbs est in parte Europaea Russiae, ad Desnam fluvium sita, metropolis regionis Branscensis. Valens sedes industriae (praesertim constructionis machinarum et fabricationis metallorum), culturae et transportationis est. Duas stationes ferriviarias atque aeroportum habet. Urbi sunt circa 406 milia incolarum (anno 2018).

Historia

Branscum conditum est saeculo decimo, annus eius mentionis primae in chronica est 1146, ubi Дебрянск nominatum est^[2]. Pars ducatus Czernihoviensis erat, anno 1246 metropolis ducatus Branscensis factum. Dein sub ditione ducum Smolenscensium erat, sed anno 1356 ad Magnum Ducatum Lituaniae, et anno 1500 ad Magnum Ducatum Moscoviae adiunctum est. Saeculis sedecimo–septindecimo minatione militari saepe affectabatur, bellorum inter Moscovia et Polonia causa. A saeculo septindecimo, cum Branscum positum est in viis mercatoriis, Ucrainam cum Moscua coniungentibus, incrementum mercaturae urbis incepit. Anno 1783 Bransci officina armorum condita est. Saeculo undevicesimo urbs facta est valens sedes industriae. Annis ab 1920 ad 1929 metropolis gubernii, Branscum anno 1944 factum est sedes administrativa regionis. Anno 2010 titulo 'Urbis gloriae militaris' ornatum est.

Branscum, via Pokrovskaya gora, 5 (castra regiminis Dorohobusiani, saeculo XIX medio constructa)

Notae

↑ Martini Cromeri^(pl) De origine et rebus gestis Polonorum libri XXX, p. 656; Stanislai Kobierzycki^(pl) Historia Vladislai Poloniae et Sueciae principis, pp. 593, 603-605; Alberti Wiiuk Koialowicz^(en) Historiae Lituanae a coniunctione Magni Ducatus cum Regno Poloniae ad unionem eorum Dominiorum, pp. 192, 277; Gotfridi Lengnich^(de) Historia Polona a Lecho ad Augusti II. mortem, p. 214.
↑ Unde nomen urbis Latinum Saltuosa deducitur in: Alexii Scatebrani Initia eloquentiae Latinae (Солопов А.И. Начала латинской стилистики. М., 2008), p. 501.

Nexus externi

Vicimedia Communia plura habent quae ad Branscum spectant.

Situs geographici et historici: Locus: 53°14′33″N 34°22′0″E • GeoNames • Facebook Places • Store norske Lexikon • Большая российская энциклопедия

Pagina de Bransko Encyclopaediae Russicae Magnae (Russice)

[1] Martini Cromeri^(pl) De origine et rebus gestis Polonorum libri XXX, p. 656; Stanislai Kobierzycki^(pl) Historia Vladislai Poloniae et Sueciae principis, pp. 593, 603-605; Alberti Wiiuk Koialowicz^(en) Historiae Lituanae a coniunctione Magni Ducatus cum Regno Poloniae ad unionem eorum Dominiorum, pp. 192, 277; Gotfridi Lengnich^(de) Historia Polona a Lecho ad Augusti II. mortem, p. 214.

[2] Unde nomen urbis Latinum Saltuosa deducitur in: Alexii Scatebrani Initia eloquentiae Latinae (Солопов А.И. Начала латинской стилистики. М., 2008), p. 501.

[1]

[2]