Astacus stilo Thermidori

Astacus stilo Thermidori,^[1] Francogallice homard thermidor, est ferculum gastronomiae Parisiensis in Francia. Annis 1880 ab Augusto Escoffier, qui eo tempore coquus meruit popinae La Maison Maire, primum inventum est. Nomen autem paulo tardius anno 1891 datum est ad honorem ludi theatrici historici Thermidor a Victoriano Sardou scripti,^[2] eo anno docti sed cito a scaena ablati propter tumultus politicos ortos. Titulus evocat Thermidorum mensem aestivum in calendario republicano Francico.

Astacus vivens per medium abdomen caputque medium scinditur. Ius e taumali cum crustulis panis et mustarda praemiscetur. Caro ex oleo modico leviter coquitur, e munimento demitur, in offas frangitur, in munimentum reponitur. Ius super carnem funditur, crustulis item inspersis. Ferculum excoquitur et infertur.

Notae

↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
↑ Ita Vicipaedia Francica. Secundum Vicipaediam Anglicam Leopoldus Mourier, illius Escoffier discipulus et successor, ferculum anno 1891 creaverit.

Bibliographia

Historica

Michel Gall, Le Maître des saveurs. La vie d’Auguste Escoffier. Lutetiae: Fallois, 2001. ISBN 978-2-87706-400-2

Praecepta

1934 : Auguste Escoffier, Ma cuisine: 2.500 recettes (Lutetiae: Flammarion) p. 194 ("homard Thermidor")
1938 : Prosper Montagné, Larousse gastronomique (Lutetiae: Larousse, 1938) p. 576 ("homard thermidor")

Nexus externi

"Homard Thermidor" apud Chef Simon

[1] Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.

[2] Ita Vicipaedia Francica. Secundum Vicipaediam Anglicam Leopoldus Mourier, illius Escoffier discipulus et successor, ferculum anno 1891 creaverit.

[1]

[2]