Andreas Previn
Andreas Previn, nomine pleno nativo Andreas Ludwig Priwin (Berolini natus die 6 Aprilis 1929; mortuus die 28 Februarii 2019 Novi Eboraci) fuit pianista, dux orchestrarum, compositor, musicus Iaz.
Andreas Previn.jpg)
Obitus: 28 Februarii 2019; Manhata, Novum Eboracum
Patria: Germania, Civitates Foederatae Americae
Nomen nativum: Andreas Ludwig Priwin
Familia
Coniunx: Betty Bennett, Dory Previn, Mia Farrow, Heather Sneddon, Anne-Sophie Mutter
Proles: Claudia Previn Stasny, Alicia Previn, Matthew Previn, Sascha Previn, Fletcher Previn, Lark Previn, Daisy Previn, Soon-Yi Previn, Lukas Previn, Li-An Previn
Filius iuris consulti qui etiam musicam docebat, e stirpe Iudaico ortus, annum fere nonum agens cum parentibus in Angelopolim migravit, ubi deinde educatus est. Ibi iam germanus patris Carolus Previn musicam dirigebat apud Universal Studios. Andreas iuxta Metro-Goldwyn-Mayer iam iuvenis operam dedit et usque in annos 1960 compositor conductorque meruit. Quater praemiis Academiae musicis laureatus est, anno 1958 Gigi, 1959 Porgy & Bess, 1963 Irma la Douce, 1964 My Fair Lady. Dux orchestrae factus est orchestrae symphonicae Hustoniensis anno 1967, Londiniensis ab anno insequenti, Pittsburgensis ab 1976, Angelopolitanae ab 1985 usque in 1989, eisdem annis orchestrae symphonicae Regiae Londinii usque in 1988.
Quinquies uxores duxit, Betty Bennett anno 1952, Dory Langan anno 1959, Miam Farrow anno 1970, Heather Sneddon anno 1982, Annam Sophiam Mutter anno 2002.
Scripta recensere
- 1971 (cum Antony Hopkins) : Music Face to Face
- 1979 (editor) : Orchestra
- 1991 : No Minor Chords. My Days in Hollywood
Bibliographia recensere
- Michael Freedland, André Previn. Londinii, 1991
- David Patrick Stearns, "André Previn obituary" in The Guardian (28 Februarii 2019)
Nexus externi recensere
|
Vicimedia Communia plura habent quae ad Andream Previn spectant. |