Amycus

Amycus (Graece Ἄμυκος) in mythologia Graeca est gigas.^[1] filius Posidonis et nymphae Meliae, et rex Bebrycum in Asiatico Propontidis litore. Advenas persequebatur et patri suo immolabat ex alta rupe in mare praecipitando, nisi si qui valido corpore ac fortes erant, eos ad pugilatum provocabat ac sic necabat. Erat silva iuxta mare ubi capita sic caesorum hominum ordine collocata videres.

Argonautarum fabula

Tandem Argonautis in eius regnum perventis, dum advenas ab aqua prohibere conatur, a filio Iovis, Polluce, pugilatu victus et interfectus est. Poeta Syracusanus Theocritus diversam traditionem sequitur : victus apud eum sed non occisus est Amycus. Tantum per patrem iurare coactus est se numquam in posterum talia facinora perpetraturum. Eandem traditionem secutus est artifex Romanus qui cistam Ficoroni caelavit, ubi victor Pollux Amycum ad arborem adligans conspicitur. Etiam in vasibus Lucanis fabula hoc modo picta est : unde illa traditio fortasse Italica dici potest.

Haec fabula plurimas similitudines cum Antaeo et Busiride praebet. Argumentum fuisse videtur fabulae Sophocleae hodie deperditae, cui titulus Amycus.

De aliis Amycis.

Cista Ficoroni : Amycus et Pollux.

Hoc eodem nomine poeta Ovidius utitur ad centaurum quendam designandum^[2]. Item in Aeneide pluribus locis Vergilius Troianos quosdam sic nominat^[3].

Notae

↑ Valerius Flaccus IV,200. Ibid. IV,149: "vasto qui vertice nubila pulset".
↑ Metam. XII,245.
↑ I,221. IX,771. X,704. XII,509.

Fontes

Apollonius Rhodius, libro secundo Argonauticon
Hyginus, Fabulae 17.
Theocritus, Idyllium XXII.
Valerius Flaccus, libro quarto Argonauticon 99-343.

Plura legere si cupis

Theodoros Antoniadis, “Boxing as a Stoic Paradigm”: A Philosophical Reading of the Fight between Amycus and Pollux in Valerius Flaccus' Argonautica (4.199–343) with a View to Seneca's De Ira", Illinois Classical Studies, 2017: 163-181
Anja Bettenworth, "Giganten in Bebrykien: Die Rezeption der Amykosgeschichte bei Valerius Flaccus", Hermes, 2003: 312-322
Richard Hunter, "Bulls and Boxers in Apollonius and Vergil", The Classical Quarterly, 1989: 557-561
Adolf Köhnken, Apollonios Rhodios und Theokrit. Die Hylas- und die Amykos geschichten beider Dichter und die Frage der Priorität, Göttingen, 1965 Recensio critica
Hans-Otto Kröner, "Zu den Künstlerischen Absichten des Valerius Flaccus", Hermes, 1968: 733-754
P. Murgatroyd, "Amycus' Cave in Valerius Flaccus", The Classical Quarterly, 2008: 382-386
Matthew Leigh, "Boxing and sacrifice: Apollonius, Vergil and Valerius", Harvard Studies in Classical Philology, 2010: 117-155
Alexander Sens, "A Beggarly Boxer: Theocritus Idyll 22.134", Harvard Studies in Classical Philology, 1994: 123-126
James E. Shelton, "The Argonauts at Bebrycia: Preservation of Identity in the Latin Argonautica", The Classical Journal, 1984: 18-23
Phyllis L. Williams, "Amykos and the Dioskouroi", American Journal of Archaeology, 19̟45ː 330-347
Hederich, Benjamin: "Amycus" - apud: Gründliches mythologisches Lexikon. Lipsiae 1770, col. 243-245

Nexus externi

Amycus Bebrycum rex in Paulys Real-Enzyklopädie der classischen Altertumswissenschaft

[1] Valerius Flaccus IV,200. Ibid. IV,149: "vasto qui vertice nubila pulset".

[2] Metam. XII,245.

[3] I,221. IX,771. X,704. XII,509.

[1]

[2]

[3]