In mythologia Graeca Aerope (Graece Ἀερόπη) fuit uxor Atrei et mater Agamemnonis, Menelai Anaxibiaeque. Filia erat Cretum regis Catrei qui eam postquam cum moecho invenit apud Euboeae regem Nauplium interficiendam misit. Nauplius autem puellae pepercit quae Atreo nupsit[1]. In Cressis hodie deperditis Euripides hanc fabulam in scaenam protulerat.

Thyestes et Aerope a Nosadella picti. Sedecimi saeculi opus.

Deinde ab Atrei fratre corrupta adulterium commisit et maritum prodidit[2]. Nam aureum agnum, regni pignus, furtim moecho Thyesti tradidit, quod longae scelerum seriei initium fuit[3].

NotaeRecensere

  1. Apollodori bibliotheca III.2.1-2 qui tamen maritum Plisthenem appellat. Sophocles, Aiax 1295-7 cum scholio de Euripidis Cressis. Euripides Orestes 16-18.
  2. Euripides Orestes 1009-10. Ovidius, Ars amatoria I.327-30 et Tristia II.291. Hyginus, Fabulae 86 et 246.
  3. Euripides Electra 719-26.