Ad Philippum (Isocrates)

Ad Philippum (Graece Φίλιππος) est oratio deliberativa (συμβουλευτικόν γένος) anno 346 a.C.n. a rhetore Isocrate publicata, qua Macedonum regem Philippum ad Graecorum hegemoniam suscipiendam hortabatur atque, postquam civitates bello exhaustas ad solidam pacem adduxerit, ad expeditionem communem adversus Persas ducendam. Regem secunda persona adloquitur sed liber ad omnes Graecos destinatur. Hoc panhellenicum consilium multis annis antea in Panegyrico iam proposuerat et iam inde ducem qui hoc perageret quaerebat. Nunc ad crescentem Macedonum potentiam sese vertit.

Primae lineae orationis Ad Philippum in manuscripto Vaticano Graeco 65.

De tempore quo oratio publicata est

Isocrates hanc orationem post Philocratis Pacem (19 Elaphebolion 346) quae bello decem annorum inter Philippum et Athenienses de Amphipoli possidenda finem imposuit et antequam paulo post Philippus Thebanorum partes in bello sacro adversus Phocidas eligeret, publicavit. Nam Isocrates Thebanis infensus erat..

Editiones

• Collection des Universités de Franceː Georges Mathieu et Emile Brémond, Isocrate. Tome IV. Les Belles Lettres, 1962. Cum apparatu critico et versione Gallica. Recensio critica Altera recensio critica

Plura legere si cupis

• Minor M. Markle, "Support of Athenian Intellectuals for Philip: A Study of Isocrates' Philippus and Speusippus' Letter to Philip", The Journal of Hellenic Studies, 1976ː 80-99
• S. Perlman, "Isocrates' "Philippus": A Reinterpretation", Historia: Zeitschrift für Alte Geschichte, 1957ː 306-317
  • "Isocrates' Philippus" and Panhellenism", Ibid., 1969ː 370-374
  • "Panhellenism, the Polis and Imperialism", Ibid. 1976ː1-30

Nexus externi

• Textus Graecus apud Perseum et apud Vicifontem et addita Gallica versione apud Remacle